لـ وجه اللـه ادخل هنـا ..!

[تفكيري مشتت]

السلإم عليكم ورحمه الله وبركاته ..

اخوانيَ ../ محمد الغامديَ / خالد الصديق / حيدر ../ ولا هان باقي الاعضاء .. فيهم الخير والبركه لإنكم اكثر الاشخاص .. تتجاوبون وتفيدون اصحاب الاستفسار ..~ ع حسب ما شفته لاني ثاني يوم لي هنا ..!

ابي رايـكم
عندي استفسارات .. وابي رايكم .. اعتبروني اخ لكم .. وش تنصحوني .. الله يسعدكم .. :(
والله يـ هي قافله معـي .. :(

اولاَ../ انا ابي اسجل .. بالمعهد .. والحمـدلله نسبتي حلوه .. بس الانقـلش .. زفت مره ..
( بالعربي ما اعرف " yes : no " وش تعني )
وخايـف يكون عائق لي في المعهد لإن اللي قريته بالمنتدى .. سنـه كامله دراسه انجليزي .. ! انصحونيَ ادخلَ والا لإ .. خايف ادخل واضيع سنـه بدون اي فايده اذا صار الانقلش عائـق لي ..~

معدل الثانويه ../ 85 علـمي .. / القدرات .. 66 / التحصيلي .. 55 ..

وثانيا .. / اذا سـجلت .. بالمعهد .. وش تنصحونيَ اتخصص فيـه .. لإني مشتت تفكيري .. ومب قادر اختار تخصص .. / فيدوني بـ افضل التخصصات .. من حيث الدراسه والمستقبل ..،/

واكون شاكر لكم .. والله يسعدكم ويرضى عليكم دنيا واخره .. بـ انتظاركم ..

مشتت تفكيري .. يـ اهل العقول :(

[ابو حصه]

هلا بك خيو انا بالنسبه كنت مثلك ما اعرف لا yes or no بس المعهد متمكن يعلمك الانجليز وراح تستفيد اذا انت عندك عزيمه انك تدرس والدراسه عندهم سهل بمواد الانجليز اما بالنسبه التخصص اللي اوك انا تخصصي بالقطاع الاهلي بقسم عمليات التامين بس الحمد الله انا اللحين في بنك في قسم المصرفيه الصرافه ولا حطوني بقسم التامينات اللي عندهم وهذا شي عايدي عندي ان اخذ خبره بكل مجال هذا بالنسبه لي انصحك بقسم القطاع الاهلي اهم شي النسبه والغياب حاول انك ماتغيب من يوم تحط رجلك بالمعهد لان اثناء مقابلتي مع البنك سالوني عن الغياب اهم شي غيابك حاول ماتغيب وحاول ان ماتكون مسؤول عن بيتك اذا عندك اخوان اكبر منك خلاص ولهم امر البيت مالك شغل في البيت اهتم بنفسك اول شي بعدين البيت

[خالد صديق]

اخوي..

لا تشيل هم شي ابد

بالنسبة للتخصص بصراحة ما اقدر اقولك اختار هذا او هذا... انت وميولك ورغباتك... راح تبدع بالشي اللي ترتاح له اكيد

كل اللي عليك.. انك تجتاز اختبار القبول وبس... لين دخلت المعهد كل شي بيتيسر ان شاء الله... راح يزول حاجز الرهبة بإذن الله :)

والتقديم بيبدأ بعد بكرة ان شاء الله

[تفكيري مشتت]

اخوي .. ابو حصـه .. جزآك الله خيـر .. ريحتني .. كثير ، واللـه .. الله يسعدك ويرضى عليك ..
اخوي .. خالد .. ما قصرت الله يرضالي عليك .. ريحتني .. بشكل كبير وجزآكم الله الف خير ..
واتشرف فـ معرفتكم .. اخوكم .. تفكيري مشتت .. :(

[ذكرياتي حزينه]

ياحبيبي توكل على الله بس وعزم انا مثلك وانا اخووك درج بالبدايه لا يس ولا نو اعرفهم


والحين ابشرك بالمستوى الثالث ,,



اهم شي تكون عندك عزيمه وتهتم وتشد حيلك بس وماتطنش يعني تكون المذاكره يوميه ,,


وبالنسبه للتخصص انت علمي يعني شف البرمجة والحاسب ازينلك واذا منتب راغب هالشي


عندك ادارة المستشفيات والسكرتير التنفيذي ,,


الله يوفقني واياك ,,

[تفكيري مشتت]

اخوي ذكريات .. ماقصرت فديتك .. ريحتني بـكلإمك ..
والله يوفقك يارب .. ويفرش بدربك السعاده ..
ومشكور مره ثانيـه .. شاكر لك رايك ومرورك ...
اخوك : تفكيري مشتت

[محمد الغامدي]

أخوي توكل على ربك وزي ما قالوا الاخوان ولا ازيد عليهم انت بس اعزم وسجل وان شاء الله بتتيسر أمورك، ولا يكون الانجليزي عائق لك شوف ابو حصه الدبدوبي أكبر مثال عندك وانا اعرف واحد برضوا من الشباب ما كان يعرف شي بالانجليزي ولمن دخل المعهد ودرس وضغط على نفسه في الدراسه مشت اموره وتخرج والحمد لله الحين هو موظف، وبالنسبة للتخصص انا انصحك ما تاخذ رأي احد فيه انت شوف ميولك اقرا كل المعلومات عن كل تخصص اللي موجوده في قسم الاستفسارات واللي تشوف انك ارتحت له اكثر وميولك قريب منه توكل على الله وسجل فيه لانه في النهااية انت اللي راح تدرس وراح تبدع.


بالتوفيق


محمد الغامدي

[تفكيري مشتت]

اخوي .. محمد .. كلامك والله ريحني مع كلإم الاخوان .. ولا قصرتو بيض الله وجيهكم ..
وراح اسجل يوم السبت ويكتب ربك اللي فيه الخير ...
الله يسعدك ويفتحها بوجهك ..يارب
اخوك / تفكيري مشتت ..

[محمد الغامدي]

العفوا والله يوفقك وعقبال ما تفرحنا بقبولك


تحياتي

محمد الغامدي

[تفكيري مشتت]

اميــن يارب ، الله يسمع منـك . ويوفق الجميــــــع ..

[Heider]

اهلين فيك اخوي واعتذر منك على التأخر في الرد


ياخوك بالنسبة للغة كنت مثلك ماعرف شرقي من غربي والحمد لله اللحين من افضل مايكون بفضل الله ثم التدريب في المعهد .

التخصص شوف ميلوك كيف في الادراة انا عن نفسي فضلت المحاسبة

[ابو حصه]

Heider اما ماكنت تعرف الشرق هي مناطق الدمام والاحساء والغرب هي اتجاه القبله افا ماكنت تعرف وش تعلمت بالابتدائيه ياخي ماعطووك جغرافيا هع هع هع معليش بس طفشان هع

[محمد الغامدي]

ههههههههههههههههههه


جوك يا ابو حصه



تحياتي



محمد الغامدي

[تفكيري مشتت]

حيـدر .. تسـلم طال عمرك .. ماقصـرت .. الله يسعـدك .. وشاكر لك مرورك .. :)

ابو حصـه .. : ههههههههههه ، اجل طفشـان ، الله يسعدك بس ..

محمد .. وانت دآخل ، تتشمت ، ههههههههههههههههههه ،

الله يرضالي عليكم .. :$

[منصور عبدالله]

السلام عليكم

اخوي انا مثلك ابي اسجل من يوم السبت ناقصني دعواتكم

و انا عندي خلفيه با الانقليزي + مخذ دورة نيوهورايزن << ان شاء الله استفيد منه

~

اما مناحيت التخصص والله العظيم انا مثلك مدري وش ادخل بس ازين شي اعمال بنكيه هذا الي اتوقعه

على العموم الله يوفقك

[محمد الغامدي]

ههههههههههههههههه



بالتوفيق للجميع




تحياتي



محمد الغامدي

[تفكيري مشتت]

اخوي منصور عبدالله .. ماقصـرت فديتك ..واللـه .. يوفقك .. وتبشرنا بقبولك ..
اعمـال بنكيه مب شينهَ .. < براسه تدور ..
بس بيني وبينك مافي راسي بعد تفكير طويل وقرايه .. ( اعمال بنكيه " التامينات ) .. بـ استخير وربك يكتب اللي فيه خير .

موفـق خير طآل عـمرك .. :)