ايقاف عضويه شخص ...........

[الجـــــــوكر]

بسم الله الرحمن الرحيم .........

اولا صباح الخير ....... واقول للي بكره بيبدا تتطبيقهم .... بالتوفيق انشالله

ثاني شيء...... انا لفت نظري امس لما دخلت المنتدى ولقيت احد الاعضاء تم ايقاف عضويته...

ليش ما ادري لني كنت فترة مسافر .... مع ان هذا الشخص انا اعرفه من خلال المنتدى واكيد انتو كلكم تعرفونه ...الا وهو مستر قلق ......

انا ابي منكم انكم تتكلمون بصراحه وياليت الاداره تتناقش معنا في هذا الصدد ليش تم طرده وش الاسباب وياليت كل عضو يقول رايه ...

شيء ثاني بقوله في حق مستر قلق هو صحيح شخص انفعالي في بعض الاحيان ولكن محد يقدر ينكر انه صاحب فكر مثقف وعالي ولديه معلومات كثيره وشخص يستطيع الانتقاد بكل معنى الكلمه
واعتقد ان هذا الشيء مطلوب ولو كانت بعض ردوده فيها شوي خروج عن النص ولكن لازم علشان يتعلم صاحب الموضوع من خطاءه اكيد كلنا لي جينا نكتب موضوع اكيد فيه سلبيات حنا ماشفناها ولا راح نشوفها من خلال رد يقول مشكور وموضوعك حلو تأكد ان صاحب هالرد ما قراء موضوعك ولا فهم شيء فيه وتأكد ان الانتقاد مايجي الامن خلال شخص اهتم بموضوعك وقراءه وكلنا نشوف ردود مستر قلق كلها تقول انه قرا الموضوع واهتم فيه
وياناس يامتعلمين يامثقفين هذي هي الديمقراطيه وصدقني ان الكاتب للموضوع ماراح يستفيد الا من الشخص المنتقد
واكيد مب كل اراء الناس راح تعجبك بس ليش نروح للاداره ونشتكي لما شخص يرد علينا برد مانحبه ليش ما نتناقش معه ان كانت وجهة نظره غلط نبينها له وان كانت صح يقنعنا فيها .........


كلمه للاءدارة ياليت قبل اتخاذ ايقاف عضويت شخص طرح القرار للتصويت ............


شي اخير بقوله للاداره اذا انا مشرف وينحذف موضوعي اجل ليش انا مشرف ...........



اتمني اشوف ردودكم .......



...... تحياتي للجميع...........

[الشيفة]

السلام عليك اخوي الجوكر..

أوافقك في كل كلامك اللي قلته ..
و لا عندي شي أزيده بصراحة ..

ومن وجهة نظري..
أنا ما أشوف في ردود مستر قلق أي قلة أدب أو تجريح.. أو تعدي على أخلاق الغير شرات مايقولون..
عشان ترسل له إنذارات كل يوم والثاني..!!!:eek:

يعني الواحد يقول كلمة حق ..
كل مناقشاته مفيدة و نشوف منها شي يمكن ما انتبهنا له .. أو ما طرا على البال ..no111

أغلبنا كنا في النادي الأول.. عرفنا بعض و تعودنا على أساليب بعض..
لكن يجي الواحد مقلع L-D مايعرف الأعضاء و يسبب مشاكل..!! هذا اللي ماله داعي..thumbdown

و زي ما قلت جوكر..

أي احد يتضايق من أي عضو .. في رد أو توقيع [blow] .. يكلمه هو .. ماله داعي تكبير السالفة ..!!!!dunno
بالعكس كذا يزول سوء الفهم .. و أصفى للخواطر ..!!s:hut:up


وسالفة التصويت فكرة حلوة..

و بالنسبة لموضوعك جوكر.. كان ودنا انت تعدله.. لكنك طلعت..
و لما جا الاخ دودي يعدل.. انحذف الموضوع..

و يعطيك العافية على هالمبادرة .. جوكر ..icon30

[جوري]

السلام عليكم وصباح الانوار

والحمد لله على السلامة اخ الجوكر ، وموفقين الي بيطبقون يوم السبت

انا بعد انصدمت اني شفت الموضوع في القسم الاداري ولا وبعد كان الموضوع مغلق؟؟؟ << ليش اجل عينت مشرفة

مع العلم باني لم اكن ارغب بالاشراف

لكن اتمنى ان هذا الموضوع ما ينحذف من هنا وانا بصراحة برأيي الكلام الي قاله الاخ الجوكر سليم 100%

وعندي اضافات يعني ما يستاهل الشخص انه ينطرد كذا( من الباب للطاقة على ما قالو )

ففي الاول والاخير الواحد يتعلم حتى من اصغر الامور

يعني لا نجي ونسوي فيها فلاسفة زماننا او انا نشتكي لمجرد ان الردود ما عجبتنا

يعني بصراحة انا اشوف على مستوى المنتديات ما ينطرد الشخص الا اذا تجاوز في مواضيع دينية او جنسية

وهذا الشي واكرر الشي الوحيد الي يستوجب الطرد اما ان اختلاف الافكار او احتدام النقاش لا يعني ان

الشخص بالضرورة يعني استهتاره بالكاتب ،،

وانت ياكاتب الموضوع اذا ما جاز لك الكلام طنشه ماهوب شرط انك تجي وتسوي فيها وتروح تشتكي

بصراحة هذي اسمها مبــــزرة مع احترامي لاشخاصكم الكريمة

وكلنا دامنا طلاب معهد الادارة فوق الـ18 يعني ماله داعي حركات النص كم

بصراحة انا ناقدة على الي زعلوا من اخونا قلق وعلى الادارة الي اتخذت القرار

بدون تعبير لنا كمشرفين بغض النظر عن فاعليتنا او عدمها

اذا استمر الوضع على هذا الحال بصراحة اروح اشوف لي منتدى ثاني واطالبهم

بانهم يفتحون قسم لمعهد الادارة وانزل موضوعات عن النادي

اما ان يكون النادي لطلاب المعهد ويتخذ مثل هذا الاجراء فهـذا اجحاف بحق الجميع بحق

1\ السيد قلق كعضو مشارك ومتميز واقدم له تهنئة ،،

2\ واجحاف بحقنا كاعضاء < لن اقول نبحث عن المتعة فهذا شي مفروغ منه لكن التسلية واردة

3\ اجحاف بحق المشرفين الذين عينووا بدون الاخذ بارائهم وانا معك اخوي الجوكر المفروض يكون قرار ايقاف

العضويات " الباند " ( بغض النظر عن الشخص ) قابل للتصويت من المشرفين كاي منتدى اخر؛

فما بالك لو كان منتدى اكاديمي كل عضو فيه له اهمتيه وقيمته ؟؟؟!!!!!

مع التحية الملفحة بالعتــب على الادراة

[MsT5F]

بسم الله الرحمن الرحيم

اما بعد

بالنسبة للأخ قلق تم طردة لعدة اسباب :-

الإنذار الأول :- من اول ما سجل بالنادي جتني شكاوى من 3 من الأعضاء من اسلوبه الي كلة تجريح للأعضاء

الإنذار الثاني :- انا شخصيا اسلوبة بالردود لي ما اشوف انة لائق بمكانة النادي ابداً
مثلا :- يوم اقولة اخ قلق بعينك مشرف > المفروض يكون الرد مناسب ( كان ردة انا صاحب حلال و انا مدري كيف !! )

الإنذار الثالث :- المخالفة بالتوقيع و الأسلوب الي واضح فية التجدي للأدارة و كانة ما يهمه شي

على العموم انتم عارفين انة مسبب مشاكل بالنادي و انا واثق بكل الأعضاء انهم بيقدرون الجهود الي ابذلها عشان اطبق انظمة النادي ( على الجميع دون استثناء )

وبالنسبة لمنتدى القرارات الإدارية ما ينزل فية الموضوع من المشرفين او الأعضاء ( عشان ما تقلب الدعوى Chat ) و يكون القسم مرتب عشان لو حب احد يتطلع لأخر القرارات

على العموم الأخ قلق عارف انة غلطان , لا و متأكد بعد

تحياتي للجميع ,
اخوكم

[جوري]

وعليكم السلام

اخي مستخف ما اتوقع ان السالفة راح تكون شات الا اذا كل من هب ودب جا وتكلم لكن حنا نطالب على الاقل انه يكون

بقسم المشرفين ممارسة مثل هذه الصلاحيات الي للاسف اشوف انها مسلوبه مننا كاداريين

بعدين ليش تقول ان مستر قلق متاكد انه غلطان انا ما توقع ان احد يعرف انه غلطان ويسكت !!

اذا انت تشوف ان هذه الجهود الي تبذلها للرقي بمستوى المنتدى اكيد عندك وجهة نظر ونحن

نحترمها لكن نبي نعرف وش السبب الي يمنعك من طرح موضوع الطرد للنقاش؟؟؟

بصراحة خاب ظني ما توقعت انه من اول ثلاث شكاوي يجي الطرد على طول

قلتها مسبقا واكررها الان هذا اجحاف بحق الجميع لن اطيل وادخل في متاهات لا طائل منها

لكن اتمنى على الاقل ان يكون منصبي كمشرفه له اهميته أو اتنازل عنه مع احترامي

يقال لكل جواد كبوة فربما هذه الكبوة تفتح افق السيد قلق ان انت ازلت عنه ايقاف العضوية الغير منصفة ابدا ابدا ابدا

لا تعتبره تمرد ولا تعتبره تسلط او حب ظهور بالعكس هذا انما كان لابراز والرقي بالمنتدى

[ســفــ المعـ@-د ــير]

وهذا وانا بعد ناوي اصير مشلاف معكم

شكلي بهون

اصير مراقب بمنتديات الصقر والعالمي ازين

[الجـــــــوكر]

مشكورين لكل الاعضاء شيفه وجوري وسفير المعهد ............

على ما اعتقد يا اخ مستخف انك عرفت راي الاعضاء بموضوع الطرد اللي اتخذته بكل اجحاف وديكتاتوريه بحق العضو مستر قلق

اخ مستخف ابي اقولك شي انك لن تجد كل الناس تتفق مع في رأي لئن لكل شخص له فكر ورأي خاص فيه
ابي اطلب منك طلب وياليت تكون عندك الجراءه اذا كنت متأكد من قرارك ومقتنع فيه


انك تشيل الباند عن مستر قلق وتجيبه هنا وتجي انت والثلاث اعضاء للنقاش في هذا الموضوع علشان الكل يقتنع ان الطرد كان هو الحل الصحيح ........... على شان مايتكرر هذا الشيء والا تراني اول عضو راح يتوقف عن الرد على المواضيع خوفا من عدم ارضاء صاحب الموضوع ويروح يشتكي للاداره واصبح انا بلحظه من مشرف الى شخص موقوف .......................


......................... الجــــــــــــــــوكــــــــــــــر.............. ............

[دوووودي]

الصراااااااااااحة في تناقض كبير من احد الاعضاااء وزي ماقالت جووووري حنا فوق 18 مالها داعي حركات النص كم
انا ابي اعرف وشلون احد يشتكي عضو والان يرد على الموضوع ويحتج ويعااااااااااارضthumbdown
في بعض الاعضاااااء مع احتراااامي للجميع تصرفات غريبة........ وانا مع الاعضاااااء يااليت مستخف يرجع في قراره
وشكرا لكم
تقبلو تحياتي
اخوكم دووووودي
bye1

[الجـــــــوكر]

الى الان ننتظر رد الاداره .........................

[جوري]

بسم الله الرحمن الرحيم

انا اتوقع ان الكل له كبرياؤه ،، واتوقع ان مستر قلق ما راح يجي كذا الا اذا تم استدعاؤه الى هنا

بغض النظر من سيوجه له الدعوة اتمنى ان ياخذ احدكم زمام الامر ويبادر بسؤاله للمجيء!!

كلي امل في تفاهمك سيد مستخف

[نؤطه]

انا ادليت بدولي في نفس الموضوع في القرار الأدراي في منتدى القرارات الأدارية ..

ماابغى اعيد وازيد بالكلام ..

لكن اشوف انه مستخف يوجه له الدعوه ؟؟ هاذي قويه بحق مستخف .. ومستر قلق كان هو بعد غلطان بحقه ..


انا اشوف انه ماله داعي لموضوع يزيد عن حده ..

والأخ قلق .. اخ وعزيز .. وانا كنت من اكثر المعجبين بكتاباته وردوده .. وكنت من اكثر المعارضين لطرده ..

لاننا في كلا الحالات .. اخوه واعضاء اسرة واحده .. يجمعنا هذا المنتدى ..


اخطأ قلق .. وتسرع مستخف ..

هذا كل اللي حصل .. وكما قلت في ردي الثاني .. ياريت من الأخ مستخف انه يعيد النظر في قراره ..

ويسمح لقلق بالعودة بيننا ..

لكن بدون ان يقلل من قدر مستخف بأن يطلبه مستخف بالعودة ..

فلا زال قلق على خطأ بأنه تعرض لمستخف شخصيا يتوقيعه .. وكأنه " مستخف بالأداره "

وكما قلت ايضا .. كلنا خطائون ..

لسنا بملائكه .. فكلنا بشر .. ايضا كلنا اخوه ..


هذا كل ماعندي . ان كان فيه كلام ماذكرته .. وانا كنت ذاكره في ردي الثاني ..

وفي ناس مهتمه فيه تروح وتشوفه ..

شكرا لكم ..


نؤطه .