ياليت الكل يدخل

[beshoo]

مساء\صباح
الخير..
راح ادخل بالموضوع على طول انا صار لي 5 شهور متخرجة من الثانوي علمي معدلي التراكمي 79 وما انقبلت باي جامعه بس درست بدايركت انقلش ليفل 1 والحمدالله مستوايه كويسس وحسيت فيه فررق ..
اللي بسالكم اياه الحين لو حبيت اقدم على معهد الاداره ايش شروطهم ؟؟وهل ياخذون بالقدرات والتحصيلي او لا؟؟ونوع الاسئله في اختبار القبول ؟؟وايش احسن قسم ؟؟والاختيار للاقسام المتاحه يكون بالبدايه ولا بعد ما اخلص 6 شهور حقت الانقليزي؟؟واي معلومه عندكم ياليت تقولونها لي حتى لو كانت صغير لاني من جججد محتاجه لكم..

[ابو حصه]

هلا بك

اوك شرط المعهد يكون تقديرك جيد

عن طريق الموقع وانتي تسجلين راح يطلبون اللي يبونه انا ما اذكر تراكمي او قدرات

اما الاسئله اذكرها كانت عن التاريخ \ وعن المعهد وين موقعه الرئيسي وكم فروعه ووين هي فيه \ ورياضيات خفيفه \ وانجليز والاسئه اذكرها حلوه وسهله

اما اختيار القسم بعد سنه من سنه الانجليز

يعني سنه انجليز وبعدين التخصص
بس اولا شي بالموقع وقت التسجيل راح يخيرونك
قطاع اهلي وفيه (( اعمال بنكيه\محاسبه\مبيعات\تامين))
وسكرتاريه
واداره مستشفيات
وغيرها

ومثلا اخترتي قطاع اهلي بعد سنه الانجليز يعطونك ورقه تختار بالاوليه القسم اللي ترغب فيه
اما اذا سكرتاريه علطول بعد ماتخلص الانجليز تروح القسم السكرتاريه
ونفسه اداره مستشفيات


براي احلى قطاع هو قطاع الاهلي لان عليه طلب وبكثره خاصه البنوك حتى للبنات عندي بالبنك بنات كثييير من خريجات المعهد وفيه وحده من خريجات معهد الاداره صارت مديره معهد انجليزي نسيت اسمه ولا تقول بعد 3 سنوات من تخرجها وصلت للاداره وعليه طلب هالقطاع

وانتي اللي عليك شوفي السوق وش محتاج وش يبي من خريجات

[الهنوف222]

ماقصر ابوحصه الله يعطيه العافيه،،، بالنسبه للقدرات والتحصيلي المعهد مايشترط الا نسبتك التراكميه في الثانوي فقط.....اما الاقسام المتاحه(اعمال بنكيه-سكرتير تنفيذي)هذا اللي متاكده منهم واتوقع بعد(اداره مستشفيات) وبالتوفيق لكي عزيزتي

[beshoo]

مشكورين حبايبي وماقصرتو