يــالـــربـــع تكفووووووون فزعتــكـــــــم

[salooo7ay]

اول شي
السلام عليكم ورحمة الله وبركاته

وصبحكم الله بالخير

وش اخباركم ؟؟ ان شالله انكم بخير وعز وسلامه

الله لايهينكم ياجماعة الخير عندي بس استفسار عن شيئيين

انا ياجماعة الخير ولله الحمد والمنه توني مستلم وثيقة التخرج يمكن لي شهر وقدمت على مساعد مدرب ( معيد )بمعهد الادارة العامه

قسم الحاسب الالي والحمدلله تم قبولي والحين الرياجيل قالووا عندك مقابلة شخصية وباقي عليها اسبوع تقريبا

اول حاجه قبل المقابله انا ماني من الرياض عشان كذا ابغى اعرف بالتفصيل الممل وين مكانهم بالرياض انا سمعت انه
بالملز بالقرب من الاستاذ الرياضي


الشي الثاني ابغى اعرف عن كل كبيرة وصغيرة بخصوص المقابله الشخصية

والعذر والمسوحة اذا كثرت عليكم وترانا مانستغني عنكم عسى الله يطول بعماركم ويوفقكم ...

تحياتي

[الهنوف222]

اول شيء مبرووووووك تستاهل كل خير..
ثاني شيء؟؟؟ ان شالله الشباب يفيدونك
موفق ان شالله

[ahmad503]

هذي خريطة المعهد :

http://www.ipa.edu.sa/about/womenpic/Women1.jpg

[Mohamad Abu Haimid]

هلا وغلا اخووي
وحياك الله في المعهد
وباذن الله نشوفك احد اساتذة المعهد
استفسارك الاول اجابك عنه اخوي احمد
استفسارك الثاني

الشي الثاني ابغى اعرف عن كل كبيرة وصغيرة بخصوص المقابله الشخصية
حسب ما اعرفه من احد المسؤولين في المقابلات الشخصيه
انهم ما يحضرون اي سؤال للمقابله كل الاسئله ياخذونها منك
من خلال حديثهم معك
كان ابرز الاشياء الي نبهه عليها
1- لاتتكلم في شي انت ماتعرف عنه الا معلومه بسيطه لانهم بيسئلونك عنه يعني مثال " من خلال سواليفهم معك عن معارفك في البرمجه جيت وقلت لهم انك تغرف للغات البرمجه كلها ومتمكن منها ثمن سئلوك عن احد هذه اللغات وماقدرت تعطيهم معلومه "
2- جاوب على قد السؤال لاتتفلسف كثير لان احيانا تحطك في متاهات
3- لاتبالغ في لبسك حاول تكون رسمي لكن بحدود يعني لاتتكلف ويالله يالله تمشي وتجلس وحاط نظاره شمسيه ومن هالاشياء
4- خلك واثق من نفسك واذا سئلوك عن نقاط ضعفك مثل اذكر لنا نقطة ضعفك لاتقول نقطة ضعفي ما اعرف انجليزي !قل نقطة ضعفي اني اقرى انجليزي وافهم بعض المحادثات لمن استمع لها لكن مو متمكن بشكل كبير من اللغه يعني خل اجاباتك عن نقاط الضعف فيها جانب من الذكاء بذكرك لنقاط القوه مكان نقاط الضعف.
بشكل عام انت من يحدد مجريات المقابله من خلال حوارهم معك واهم شي الالتزام بموعد المقابله تعال قبله بفتره على شان تحصل مواقف وتهيئ نفسك وتذكر الله وتصلي لك ركعتين

وبالتوفيق ان شاء الله واتمنى تطمنا عليك

[salooo7ay]

الغاليه الهنووووف
الله يباااررررك فيك ويخليك وعقبالك ان شالله
والله يوفق الجميع ومنووووووره صفحتي

[salooo7ay]

اخوي احمد السبيعي
الله لايهينك وبيض الله وجهك وعزالله انك ماقصرت يالغالي
عسى الله يوفقك ويسعدك

[salooo7ay]

اخي الفاضل محمد
ماقصرت يالغالي عسى عمرك طويل والله لا يهينك وبيض الله وجهك وعسى ربي يوفقك دنياء واخره
كلامك وافي وفعلك غانم يالغالي
وان شالله بعد ماخلص هالمقابله بإذن الله راح ابلغكم باللي صار معي


تحياتي لكم