*هـــل أضــع رٍحــالـــٌي هـــنـــآ بـــيــنــكــم أم أتــابــع الـرحــيل ؟ *

[برطم النملة]

بسم الله الرحمن الرحيم

السلام عليكم ورحمة الله وبركاته

يعجز القلم عن وصف مدى شغفي في الأنظمام إليكم , تقف الأنفاس حائرة

ماذا أفعل هل أستأذنكم أن تقبلوا بي كعضو بسيط عابرفي هذا الصرح الشامخ

بالفعل شامخ شموخ يطراء على ذلك المنتدى هنا وقفت صامتا حائر

تبعثرت الكلمات وتناثرت الأحرف تجولت كثيراً وتعبت كثيراً وأنا أرحل أرحل

في جعبة المنتديات وها أنا أقف براحلتي هنا لديكم سنين العمر مضت

وتبقى الأحرف للذكرى نرسم بها أنفسنا ونطور بها ذاتنا بكل أحترام أقف هنا

وقاراً لكم على هذا المنتدى الرائع بالفعل إنما هو أبداع لا مثيل أشهده

أرسم البسمة على شفتي فرحا هل هذه أنامل تخط الأبداع أم هي ينابيع الأبداع

أخوتي مديري ومشرفي وأعضاء وأسرة هذا المنتدى أحببة أن أنظم أليكم

بكل تواضع أخط بينكم أناقش معكم أرسم الأبداع بينكم بكم ومنكم ومعكم

هنا نبدع سويتاً فهل أضع رحالي بجواركم ونعيش أسرة واحدة بيت ثاني

أم أحرك راحلتي وأبحث عن كهفاً به الغموض كالعادة فهل تقبلون بي أم ماذا

,اذا لم تقبلون بي فيكفيني اني قد مررت عليكم ورايت منتداكم الرائع icon30

وقد يستغرب الكثير منكم اني في منتدانا السابق قد عزمت على الرحيل

هذا صحيح لكن لا أحد يدري لماذا عزمت على الرحيل من ذلك المنتدى الرائع

وسوف احتفظ بالاسباب لنفسي .


أخــــــــــــــــــــــــــــــــــــوكم
برطم النملة [showoff]

[الجـــــــوكر]

حياك الله في بيتك الثاني البيت الاداري وتوه ازداد المنتدى نور


ياخوي هذا المنتدى صدقني ماراح تلاقي مثله كفايه اللي سواه واحد منا وفينا شخص تحطه على الجرح يبري




وماعليك يابرطم صدقني بترتاح معنا في هالمنتدى لنا كلنا اسره وحده وما اعتقد ان فيه واحد بيلاقي احسن من اسرته .........


شف تراني فضيتلك الغرفه اللي في الدور الثاني ............... لا تقولي مافيها دريشه هذا اللي موجود ........



...................... اكبر تحيه لك من اعماق قلب الجــــــــــــــــــــو كــــــــــــــــر ................

[ياسمين]

هلا فيك يا برطم

حياك الله

وبدون ما نسأل ليه تركت المنتدى السابق احنا عارفين ان البقاء للأفضل

وان شاء الله يكون هالمنتدى بمثابة البيت لنا لأننا كلنا اخوان ويكفي ان ادارته همهم الأكبر مصلحتنا




برطم سامحني وحللني سويت مره حركه في المعهد بس والله ترى كان قصدي استهبال

تبي اقول لك السالفه ولا بتسامحني بدون ما اقول؟؟ علماً بأنها سالفة استهبال :)

[الشيفة]

هلا براتم..

حياك يا خوي..

زين اللي حطت رحالك هنا..icon30

برطم سامحني وحللني سويت مره حركه في المعهد بس والله ترى كان قصدي استهبال

تبي اقول لك السالفه ولا بتسامحني بدون ما اقول؟؟ علماً بأنها سالفة استهبال :)

ايه عادي قولي ما بها شي ..

<== انتي وش دخلتس.؟!!
==> أنتي اللي مفترية علي انتي ووجهتس..
<== ميخالف امون..1eye
==> لا أوب على كيفتس.. و انا مزاعلتس..schmoll
<== بالطقاق
==> هين اوريتس ,, وخلي جوري تنفعتس..!!icon28
8
8
8
هذا حوار بيني و بين ياسمينه..<== تسمعين بالحوار

[MsT5F]

حياك الله اخوي ,, اعجز عن التعبير على مدى اعجابي بقلمك الساحر الذي جذبني للقراءة من البداية للنهاية و التركيز بالكلامات


حياك الله بين اخوانك و اخواتك و اتمنى تقضي معنا اجمل الأوقات

[جوري]

هلا والله برطم وحياك الله مسافر او رحال

الله واكبر شف شف ذا كله حبا فيني خلاص يا بعدي اهم شي اعصابتس < اذا جيت لمكم تولمي بس

[برطم النملة]

بسم الله الرحمن الرحيم

السلام عليكم ورحمة الله وبركاته

أولا شىء احب اشكر جميع من رحب فيني ودعوني اتعرض لهم واحد تلو الأخر

الجوكر يسلمو على الترحيب واتمنى أكون عند حسن ظنك وانشاءلله برتاح معكم

ياسمين هلا والله ومشكورة على الترحيب وياريت تعطينا السالفة مهما كانت

الشيفة ثانكس على الترحيب

MsT5F مشكور وما قصرت على الترحيب وعلى الكلام الحلووو

جوري الي بالقلب خليه بالقلب ومشكورة على الترحيب

[Mr.Advisor]

أخوي / برطــــــم النملـــة ...
ياهــــــــلا ومسهـــــــلا مليووووون باللي لفوا..
لقد أتقنت الكلمات، وأبدعت في اختيار كلماتك الساحره،
ونسجت أعذب الألحان والعبارات،ونظمت أروع الكلمات والأحرف،
وسطرت أروع مشاعر البهجة والسرور بقدومك إلينا،
وازدان المنتدى بقدومك ضيفا وأخا عزيزا بين إخوانك وأخواتك..
وفاحت رائحة الكادي والياسمن ، وعبق الفل والريحان بوجودك ...
أهلا وسهلا بك مرة أخرى ..
وننتظر مشاركاتك الجميلة بأسرع وقت ممكن ..
وتقبل تحياتي ... وأشواقي ...
أخـــــوك
Mr.Advisor

[ياسمين]

هلا برطم

السالفه طال عمرك اني في يومن من الأيام كنا جالسين نفطر في الكافيتريا انا والشيفه

والشيفه هذي انسانه قمه في البرااااءه وكنت دايم اتسااااءل لو احد تعرض لها بشي كيف ممكن تدافع عن نفسهاs:hut:up

قمت واحنا نفطر ناديت بنت خالتي (برابيس) وأشرت لها على الشيفه قلت شفتي هذي ترى هي برطم النمله اللي معانا في النادي ..انا طبعاً كان قصدي اشوف وش ردة فعل الشيفه وكيف بتدافع عن نفسها

ناظرتها برابيس وقالت انتي!!! ليه طيب مسجله بإسم ولد؟؟؟

والفاهيه الشيفه ماكان منها الا انها تخر ضاااااااااحكتن ولا فيه امل انها تدافع<==الله من الفهاوه بس1eye

عاد بحزتها علمت برابيس اني استهبل وبغيت اسطر الشيفه..اجل بالله فيها حد يشوف احد يتبلى عليه ويقعد يضحك!!

وهذي السالفه

عاد حللني وسامحني وانا اختكblushing

<==اما لو يجي ويقول وخري بس مانيب محللكtears

[Mr.Advisor]

والله من الفهاوة على الشيفة

clap

وبعدين صحيح أول مره اشوف واحد بيدافع عن نفسه

ويضحك

هههههههههههه

الظاهر انها مستانسه بالنك الجديد ياسمين وانتي أحرجتيها

مع بنت خالتس ..

[w00t2]

[برطم النملة]

بسم الله الرحمن الرحيم

السلام عليكم ورحمة الله وبركاته

اهاااااااااااااااااا اجل هذي السالفة على العموم ياياسمين انا مسامحك بالعكس ماصار الأ الخير بس خليني احل لك

شخصية الاخت الشيفة يمكن هي ما تحب ترد على احد علشان هي انسانة خجولة والأخجل طبعا من صفات البنات المودبات

بس فيه سوال محيرني ليش اخترتي نكي انا بالذات نقول يعني ان النك عاجبكicon14 .

[الشيفة]

بسم الله الرحمن الرحيم

السلام عليكم ورحمة الله وبركاته

اهاااااااااااااااااا اجل هذي السالفة على العموم ياياسمين انا مسامحك بالعكس ماصار الأ الخير بس خليني احل لك

شخصية الاخت الشيفة يمكن هي ما تحب ترد على احد علشان هي انسانة خجولة والأخجل طبعا من صفات البنات المودبات

بس فيه سوال محيرني ليش اخترتي نكي انا بالذات نقول يعني ان النك عاجبكicon14 .

شوكران..blushing

لكن أتوقع إنك متهاوش مع برابيس.. و هي معصبة منك..!!<== بتنذبح السبت..!!essen

[عيــــــون المـــــــلاك]

برطــــــــــــــــــــــــــــــــم النمـــــــــــــــــــــــــلة

يعجز القلم عن الترحيـــــــــــــــــــــب.ولو رحبــــــــــــــــت ما وفيــــــــــــــت

مرحـــــــــــــــــــــــــــــبا مليون في بيتنك الجديد وبيتنا :)

بين اخوانك وخواتك :)

يا هلا بك .. وحيا الله من جانا..

ونتمنى انك ما تنقطع عنا :)

[نؤطه]

اخوي برطم النمله ..

شخص سطر قلمه الرائع اعذب الكلام .. واصدق المعاني .. واجزل الأنسام ..

شخص داعبت انامله قلوب مستقبليه .. ونظر قارئيه .. وردود اخوانه ومحبيه ..

شخص ان كتب ابدع .. وان قال بدع .. وان وصف استبدع ..

فكيف بنا نرفضه .. فكيف بنا لانريده ..

بل انت نور منتدانا .. وانت كلم سمانا ..

فاهلا حللت ..

وسهلا وطأت ..

وبالود انت ..

في منتدانا ..


اخوك نؤطه .

[الشيفة]

هههههههههههههههه[w00t2] هههههههههههههههههاي..

سمعتوا اخر نكتة..

طلع هذا مهوب براتم اللي كان معنا..
يقول براتم انه هذا واحد منتحل شخصيته..schmoll <== العهدة على برطوم..dunno

و انا اقول وش هالفلسفة اللي متفلسفها علينا..!!![flex]
وش هالتعبير و الحركات..L-D
بس يمكن تكون ملتوشة من اي منتدى ثاني.. <== هذا اذا كان هو برطم رفيقنا

عاد يالاخو.. علمنا هو انت برطم .. و الا انت برطم ثاني..!!! [blow] <== عادي ترى ما حنا بمهاوشينك..

و لا تحسبني مستخفة فيك.. لا والله..no111 بس عشان نعرف .. هو انت .. و الالا..!!!

[ياسمين]

صح صح

علمنا هل انت البرطم الحقيقي؟؟

ام انت شخصن ما انتحل شخصيته؟؟؟

هذا ماسوف نراه في الحلقه القادمه

<==الله يا الدنيا يا فلونهtears

[Mr.GLG]

لا والله

شو هيدا الحكي ,,

أقول ياحبي لكم بس ,,

[الجـــــــوكر]

انا ابي اعرف شي واحد هل صحيح ان برطم نمله

صندوق الرسايل تبعه مليان هذا اللي قاله برطم نمله البني اللي في البيت القديم

وهل صحيح ان البنات هم سبب ملء الصندوق الخاص تبع برطم ...


اذا كان هذا الشيء صحيح .... الرجاء توضيح السبب ...

[Mr.GLG]

الله لا يعوق بشر منحذف ردك منحذف يالجوكر ,,

الظاهر واسطة برطم قويه ,,

أبي أعرف الحين أشلون ماهو هو صاحب المعرف وأنا جاني الإنذار من المشرف العام بسببه !!

مادري هو يستهبل علينا وإلأ على نفسه !!

والله العظيم أخوي جوكر وكل اللى موجودين هنا إن صابح المعرف هذا هو خوينا ما غيره ,,
بس المره الجايه بسجله وهو يتكلم على شان ما يجدحني مثل كل مره :)

أخوي مستخ << أقسم بالله لو إنه رد بنت ما تحذفه ,, رح راجع الردود من أول وتعرف إش قصدي ,

أخوي خلك عادل شوي لا هنت وإذا تبي تطفشني أنا والجوكر قلنا من الحين على شان نطلع, ولا نجادل في الكلام

[الشيفة]

بسم الله الرحمن الرحيم

وقد يستغرب الكثير منكم اني في منتدانا السابق قد عزمت على الرحيل

هذا صحيح لكن لا أحد يدري لماذا عزمت على الرحيل من ذلك المنتدى الرائع

وسوف احتفظ بالاسباب لنفسي .


أخــــــــــــــــــــــــــــــــــــوكم
برطم النملة [showoff]


يعني ما فيه أحد نبيه مثلي..؟!! <== وانتي يا ياسمينه طايرة بالعجة..معك معك..!!!

اروح أحط له هالمقطع..!!icon28 وش رايك قلق..؟!! والا انت تتكفل بالموضوع..؟وأنا جاني الإنذار من المشرف العام بسببه !!




و الله العظيم اني قايلة ..shiny

[الجـــــــوكر]

شف ياقلق ياقلق

حط ايدك بيدي ............. وقسم بالله ورحمة ابوي ...........

انه مب كفؤ اللي يطفشني من المنتدى ..................... وانا سكت مره وثنتين على التعديل .........
ولكن المره الجايه والله ان لقيت تعديل على ردي لا حوس الدنيا كلها

من اانت علشان تعدل وراي ........ هل انت ملاك وتعرف الرد اللي ينفع واللي ماينفع
هل انت دكتور بالكلمات علشان تعرف الردود اللي تجرح واللي ماتجرح

وش شهادتك علشان تعدل وراي ......... ومن تكون علشان تعدل وراي


ترى حالك حالنا ............. وترى لو لانا ترى منتداك هذا ما لقاله اسمه .........

صحيح والله كل واحد سواله منتدى سوى فيها استاذ ودكتور وقام ايحذف ويعدل ........ ولو تجي تناقشه

مايعرف يكونلك سؤال واحد او جملة وحده ..................


شف المنتدى هذا لك ماقلنا شيء لكن انك تقوم تعدل على الناس هذا انا اللي ماحبه


واذا عدلت شيء اذكر السبب مو بس جاك واحد والا وحده قمت ونفشت ريشك وقمت تعدل ..............




..................... الجــــــــــــــــــــوكـــــــــــــــــــــــــ ر............................ز

[الشيفة]

شف ياقلق ياقلق

حط ايدك بيدي ............. وقسم بالله ورحمة ابوي ...........

..................... الجــــــــــــــــــــوكـــــــــــــــــــــــــ ر............................ز

جوكر..

اكيد تدري ان الحلف بغير الله حرام..

بعدين بلاهم الناس عليكم..؟!!
كل هذا غيرة..؟؟

يعني اذا فيه احد تضايق من رد احد.. يروح يقول للي كتبه و هو يعدل رده..!!
والا..؟!!

[الجـــــــوكر]

اخت الشيفه ....................... ياسلام عليك


انا ماطلبت غير هالشيء .................. اللي يشوف رد احد من الاعضاء ماعجبه يكلم صاحب الرد

مايروح يكلم شخص ثاني .......... من هالشخص الثاني علشان يعدل


ياخي كلم صاحب الرد وتناقش معاه يمكن يقنعك او تقنعه ............ مب شرط المختلف معاك ضدك او يكرهك

..............


انا بقولكم شيء الصراحه عضو غالي على قلبي ارسلي رساله خاصه ....... وطلب مني اني اروق

اذا جيت اكتب رد مره ثانيه
وانا علشان هالشخص ................... راح امسك نفسي مره ثانيه

بس ياليت يعذرني هو والاعضاء الثانيين اذا كان ردي فيه عصبيه ........

بس الصراحه انقهرت على تعديل ردي وتضايقت لخوي قلق قلق

[Mr.GLG]

شيفة دامك كنتي حاسه وشوله ,, شاكه أنه موب هو :)

تم التعديل من قبل قلق إحترام لوجهة نظر آحد الأعضاء


جوكر لو لزم الوضع وربي أسويلك أربع مواقع ,,

بس أنا أبي أشوف نهايتها ,,

أنا من وجهة نظري يفتح المشرف العام موضوع خاص في أنتقاد الاعضاء والإداره بكل صراحه حتى لو فيه تجريح على شان كل واحد يعرف العضو على حقيقته :) أتوقع الشغله لو صارة نشر غسيل أصرف .

[الشيفة]

انا ابي اعرف شي واحد هل صحيح ان برطم نمله

صندوق الرسايل تبعه مليان هذا اللي قاله برطم نمله البني اللي في البيت القديم

وهل صحيح ان البنات هم سبب ملء الصندوق الخاص تبع برطم ...


اذا كان هذا الشيء صحيح .... الرجاء توضيح السبب ...

ممكن تكون رسايل من ربعه الأعضاء .. سواليف و كذا..
مو شرط تكون رسايل بنات..!! و اذا كان هذا صحيح فهو من رداه يوم يتحسر على كذا .. و من ردى اللي ترسل له..
و بصراحة انا ما شفت شي فكلامه يدل على ان الرسايل زي ما تقول..
و هذا اللي في موضوعه عن الخاص..

لا وتلقاء هالحين انواع الرسايل الخاصة

جايته الي مرسلينها يحسبون انه انا وحسراتاهه

[برطم النملة]

والله من زمان عن المنتدى وبعض الردود توني اقراها