اعترفات الأعضاء >> الإصدار الأول <<

[برمجيات]

سلام عليكم يا بني منتدى معهد الإدارة العامة حفظه الله ورعاه >> وش دخل xDD

اولا :: ان شاء الله نصير اصحاب بيوت في هذا المنتدى بعد القبول >> شكلها عندها حركة انقلاب على حكومة المنتدى :26-193:

ثانيا :: هذي اللعبة مالقيتها هنا وبصراحة تؤثر على الروح المعنوية والنفسية والتنفسية للطلاب والطالبات اجمع لما تمتاز به من تخفيف الكبت المصاحب لهم ايام الاختبارت و بالأخص لو كان النظام تراكمي :26-47:

اللعبة عندها شرط واحد فقط لا غير وهو :: انك يا ايها العضو الكريم تدخل وتعترف بإعتراف موجود داخل نفسك >> كيف هذي ما ادري xD
ثانيا :: انه اللي يكذب تراه معروف يعني مو تتوقعون الدعوه عبط لا ؛ تراه فيها حساسات ع الكيبورد تشتغل بمجرد فتح اللعبة والإدارة في هذا المنتدى و مدير القسم :26-143: و انا MaM(60) فقط لهم الاحقية بإكتشاف الكذب من خلال تحليل الموجات الكهرومغناطيسية الصادرة من كشتك المصونة ايها العضو الكريم MaM(51)

هذا وقد تم بحمد الله الانتهاء من جميع تبعات اللعبة وتمت الموافقة عليها من جميع الادارات الا من ادارة المنتدى والقسم :19_17: وقد تم الحصول على جميع الاوراق والمستندات التي تحفظ حقوقها بموجب السجل المدني 107 والباقي ماتغير :MaM(29):

انا سأكون اول من يعترف ::

اعترف انه الكلية الجامعية بالجبيل ما قبلوني لكن الله كريم MaM(60) >> يعني روح رياضية xD

[خالد التميمي]

موضوعك حلو يابرمجيات
اعترف اني في حالة نفسية متردية ويتملكني الملل

[برمجيات]

موضوعك حلو يابرمجيات

اريقاتو ^-^

............

اعترف انه الكل مصاب بالملل خصوصا الناس اللي عندها تسجيل ومن مكان لمكان

اعترف انه اليوم قلت لأخوي يآخذني السوق بحسب اتفاق بيني وبينه لكنه لما اتصلت له غير رأيه فقفلت الجوال ورحت عنه وبعدين اتصل ردت عليه اختي وقالت امسكي ردي عليه قلت لا ماراح ارد " مسوية زعلانه xD " بالأخير رديت وقال يالله اجهزي انا الحين بجيك MaM(60)

حماس clap

اعترف اني اشتريت لي ثلاث جزم وانتوا بكرامة MaM(60) ولا شئ غير ذلك هع

اعترف انه بعض من الناس عندهم هواية تجميع طوابع لكن انا غير ؛ عندي هواية تجميع جزم xDDD

[برمجيات]

اعترف اني جوعانه مرة مرة وهم راسي يوجعني و ودي انام

طيب النوم سلطان والجوع كافر اي واحد يغلب الثاني ؟؟

مرة جوعانه احس ماراح يجيني نوم tears

اعترف اني ابي اقوم اسوي لي فطور ؛ بس ايش يفطرون الناس ؟؟

[اماني الدنيا]

اعترف اني طفشانه وافكر كثير

وعايشه جو خوف ورعب

وخاايفه حدي اني ماانقبل بالمعهد tears

" برمجيات "

انا ميته جوع مع ذالك مو مشتهية آآآكل

بس اقولك افطري وناامي افضل لك ولاتسهري زين ^_^

[برمجيات]

لاتخافي ولا شئ خيتو اللي كاتبه الله بيصير سواءاً انقبلنا او لا تذكري " عسى ان تكرهوا شيئا وهو خير لكم .. "

عاد انا صايرة بي حالة هالايام في الاكل :26-188: قبل النوم لازم آكل و لما اصحى اكون جوعانه بعد هع صايرة مفجوعة اكل MaM(60)

اممم السهر شوي صعبة احس الدنيا ملل لو انام بدري يمكن ادخل مستشفى المجانين xD

.........

اعترف انه حالات التسجيل تجيب الهم !

[εïз SO$o εïз]

اعترف اني اكثر وحده خايفه بالمنتدى من اختبار القبوووووووووول :26-111: :26-111: :26-111:

ومشكلتي الكبيره اني قاعده انقل من بيت لبيت ثاني [w00t2] [w00t2]

يعني موووووووو وقته تهى [icon1366] تهى [icon1366] تهى [icon1366]

حدي مخي ملخبط :26-236:

وش السوات؟

[برمجيات]

اعترف اني حبيتكم من قلب من قلب ..

امممم لما اكون متازمة نفسيا بس اجي أقرأ عن معهد الإدارة وتنفتح نفسيتي بس ان شاء الله يقبلوني .. هم بعد من جد ناسات يحاولون يثبطون من معنوياتك كثير النفرات اللي مثلنا دوبهم يبتدون حياتهم اكيد عندهم مخاوف من المستقبل فيأثر فينا كلامهم .. خلاص ماراح اصدق كلامهم ماحد يعرف إلى وين يؤول الامر ..

يقولون لي ادخلي طب ؛ علوم طبية ؛ تمريض ؛ اي شئ طبي يناسب لك و لنسبتك وله مستقبل .. اقول لهم ما احب ماهو ميولي بصراحة ما اقدر على هالشئ .. يحاولون يوصلون لي بطريقة او بأخرى " خلي التخصصات اللي سجلتيها تنفعك " ناس يقولون الرواتب والتوظيف مو حلوة وناس تقول انتظري القبول وناس تقول بتتعبين من الروحات والجيات وبتصرفين ع الفاضي .. انا ابي اعرف كيف يفكرون اولا ع التوظيف والرواتب فكل شئ تغير بالنسبة للتخصات وجودة الدراسة وهم اللي بيسعى بيلقى " اذكر اخوي درس محاسبة بفرع الدمام " الكل قال ماله داعي من اخواني الكبار ماشاء الله عليه اخذ الاول على دفعته والحين هو كمستوى مادي ووظيفي احسن واحد منهم .. واللي يقولون انتظري القبول تراني سويت اللي عليّ والباقي على ربي يعني شنو اسوي إذا ماعندي فيتامين "و" اقطع نفسي ! .. والناسات اللي يقولون بتتعبين ما كانهم درسوا بالرياض اربع سنوات وبتخصص خذوا شهادته وحنطوها .. وناسات درسوا شئ مايحبوه وتأزموا لما جاء وقت التوظيف لأنهم مايحبوه !!

ابي اعرف ليه الناسات كذا يحطمون ناسات ثانية .. قليل تلقاهم يشجعون وبدون مقابل ويسعون بكل جهدهم لاجل تكون مرتاح من رغباتك واختيارك .. اممم لفترة مو بعيدة اصروا انه كل اختياراتي خطأ !! وكأنه الصح بس اني ادرس تخصص طبي .. طيب مش بالنهاية بصير فيه فيضان من الممرضات هع .. برأي بنت شطورة معي في المدرسة تقول جد انا ما احب الطب لكن اللي اقل مني في المستوى الدراسي يدخلوا هالتخصص وانا ما ادخله ما احس انه شئ واقعي !!

اممم انا مقتنعه بالتخصصات اللي اخترتها لكن الحين عندي اشكال بالمكان اللي اختاره على حسب القبول ..

[خالد التميمي]

وش ذا الشحن النفسي الي اشوفه هدي اعصابك يابرمجيات ووسعي صدرك
اعترف ان اليوم ضايق صدري وماني متحمل الدنيا

[برمجيات]

اعترف انه كل شئ حولي يحطم .. تخيل تدرس وتتعب تجيب نسبة حلوه سواءا ثانوية او قدرات او تحصيلي وبالنهاية تدرس على حسابك .. مين يصدق .. نسبتي لو ابي طب تدخلني لكن بالمقابل حتى تخصصات عادية ما القى !!!

[خالد التميمي]

ومن قال انك تدرسين على حسابك لسى النتايج ماطلعت مو مسألة انك انقبلتي في شي بتدفعين فيه خلاص اصبري شوي والله يوفقك ماشاء الله عليك نسبتك حلوة وتقدرين تدرسين الي تبي
اعترف ان الصبر عندنا قليل

[برمجيات]

مش الصبر قليل لكن تقديم الأصول للفيصل بس ليوم الاربعاء لو ماقدمته يروح عليّ التسجيل !!
نتايج معهد الإدارة تاريخ 5 / 9

اعترف انه صديقتي اليوم اختبارها .. ربي يوفقها ..

[خالد التميمي]

طيب مو مشكله يابرمجيات انتي حطي اوراقك في الفيصل واذا تم قبولك ان شاء الله اسحبي الاوراق بكل بساطه
اعترف ان الدنيا ممكن تاخذها ببساطة وممكن العكس

[برمجيات]

هذا اللي بسويه .. لكن لا تتوقع انه ظروفي بهالسهولة و اني انا معقدتها..

اعترف انه صعب البنت لما تخطو ببداية مشوارها تلقى انها فقدت اهم شخص بحياتها وبالوجة المقابل تلقى الكل يحاول يتحكم بمصيرها وكأنه مصيرهم بدون مايآخذون بإعتبارهم اي شئ !.

[خالد التميمي]

انتي يابرمجيات لازم تحطين في بالك ان الدنيا فيها الحلو والمر ودائماً نمر بهالحالة لكن اليي يفرق هو من يتحمل الصدمات الي تصيبه وهذا قدر الله ولا نعترض عليه ولازم نواجه مخاوفنا ونتصدى لها ونحاول نحل الامور بعقلانية ونجلس مع انفسنا ونصحح اغلاطنا ونشاور اقرب الناس عن المشاكل الي نواجهها والتفكير بعقلين احسن من عقل واحد

[برمجيات]

اعترف اني ابي اطلع للبحر .. هم بعد ما ودي انام ..

[خالد التميمي]

اه يالبحر بس ياني احبه حيل ويريحني كثير ودي اجي الحين عند البحر <<<اسويها مجنون انا ترى
اعترف ان في البحر سر الاهي مكنون

[برمجيات]

هع ناقصين مجانين بالبلد .. خليك بالرياض اذا جيت الشرقية يصير تضارب انت ماشفت الامس كيف عواصف بالرياض لأني كنت هناك ومجنونين بمكان واحد ما يتواجدوا يأثروا على العوامل البيئية الطبيعة ..

اعترف مرة طلعنا البحر مع ابوي الله يرحمه وبما انه الجو ليل دبرنا خطه خرافية لما نزلنا وهي انه كلنا شباب وقلبنا شوي في سمائنا .. اممم كان حماس لما نلعب بالكورة .. من ذيك المرة مانزلت البحر ... بالعادة في الإجازة الصيفية كنت ادبر رحلات بحرية مع ابوي واختي الصغيرة كانت تنقهر بس اعطيها طاف لانها دبة نوم ..

اعترف اني احاول استمتع بكل لحظة مع الناس اللي احبهم لانه ممكن باي وقت القاهم او القاني مش متواجدين بهالدنيا ..

[اماني الدنيا]

اعترف انه كل شئ حولي يحطم .. تخيل تدرس وتتعب تجيب نسبة حلوه سواءا ثانوية او قدرات او تحصيلي وبالنهاية تدرس على حسابك .. مين يصدق .. نسبتي لو ابي طب تدخلني لكن بالمقابل حتى تخصصات عادية ما القى !!!
صدقتي بكل كلمه قلتيها شيء يقهر

آآآآآآآآآآآآآه يالقهر

اعترف اني مهومه وتضايقه حدي

تصورو كنت6 سنوات وانا مريضه يعني من ثالث متوسط

وقلت اكون اقوى من المرض واتحداه

المهم كنت ادخل بعمليه واطلع من عمليه <<<< واجهت صعوبات كثيره بالحيل

من ثالث متوسط

وفي ثالث ثانوي الفصل الثاني سويت عمليه كماان وتغيبت عن المدرسه اسبوعين

وانا علمي يعني ماينفع اغيب تفوتني درووس

ومع ذالك جبت نسبه عاليه جدا والله العظيم مااحد توقع اجيب هالنسبه لأن طالبات معاي بنفس الصف ماعندهم ضروف ولا شي جايبين نسب ناازله

الموهم

اسبوع اختبار القدرات كنت بالمستشفى منيمه وطلعت من المستشفى الفجر وعلى طول رحت مقر الاختبار للقياس

ولله الحمد جبت نسبه عااليه

وتدرون وش اللي يقهر انا على كل هالتعب وكل هالألم جاامعة الملك فيصل ماقبلتني بأي قسم

حسيت نفس انهرت بالحيل

وصرت ابكي ابكي ابكي tears

وصرت الوم نفسي وووو

تعبت نفسيتي بالحيل آآآآآآآآآآآآآآآه يالقهر

والله حلمي حييييييييييل اني ادرس تمريض وهذا حلمي

وانا اعشق التمريض وكل مره اكون فيها منيمه في المستشفى استفيد من الممرضات الموجودات

ولكن للأسف !!!!!!!!!!!!!!!!!!!!!

" حلم كبييييييييير في لحظه انهدم " tears

اسفه طولت عليكم

بس قلبي يعورني معقوله بعد كل شيء واجهته ماانقبل حراام والله حرااامtearstears

واحين انا ابي انقبل في معهد الأدارة تحمست له بالحيل وحبيت القسم اللي اخترته " ادارة مستشفيات " من كثر ماقرأت عنه

وان شاء الله انقبل يارب

دعواتكم من قلب لي

ومره ثانية اقول لكم اسفه طولت عليكم

[خالد التميمي]

بالعكس يااماني جوهر المواضيع ان الواحد يطلع الي بقلبه وينفس عن مافي داخله ويشارك الناس افراحه واحزانه وهذا الي نبيه والله يكون في عونك وان شاء الله تنقبلين في المعهد انتي وبرمجيات وكل المتقدمين والله يوفقكم دنيا واخره
اعترف انو مافي شي مستحيل في الحياة

[برمجيات]

الله يوفقك اماني ان شاء الله ربي ما راح اضيع تعبك ع الفاضي .. وبعدين جد نتكلم وننقهر لكن بداخلنا فيه امل صح ؟

اعترف انه بكرة ببدأ الحرب مع جامعة الملك فيصل .. وراح نحتاج لقوات داعمه xDDD

[اماني الدنيا]

بالعكس يااماني جوهر المواضيع ان الواحد يطلع الي بقلبه وينفس عن مافي داخله ويشارك الناس افراحه واحزانه وهذا الي نبيه والله يكون في عونك وان شاء الله تنقبلين في المعهد انتي وبرمجيات وكل المتقدمين والله يوفقكم دنيا واخره
اعترف انو مافي شي مستحيل في الحياة

مشكور اخوي ع الرد

واحنا بالمنتدى اسرة وحدة واخوان وخوات بإذن الله دايما مع بعض

صحيح انا متضايقه يعني عندي موعد بالمستشفى في الرياض وإلى الآن مأجلته اقول ليما اخلص تسجيلات وأضمن القبول وارتاح

يعني تعبت نفسيتي وتعبت

وان شاء الله يارب انقبل دعواتك

[خالد التميمي]

الله يوفقكم ان شاء الله وانا ادعي من صميم قلبي عشان ماتقول برمجيات شي عاد هي تدور الزلة الله يسلمها خخخخخخخخخخخخخخخخ

[اماني الدنيا]

الله يوفقك اماني ان شاء الله ربي ما راح اضيع تعبك ع الفاضي .. وبعدين جد نتكلم وننقهر لكن بداخلنا فيه امل صح ؟

اعترف انه بكرة ببدأ الحرب مع جامعة الملك فيصل .. وراح نحتاج لقوات داعمه xddd

مشكوره اختي برمجيات ع الرد

ربي يوفق الجميع يارب

ان شاء ربي مايضيع تعبي ولا تعب احد يارب

فيه امل ان شاء الله يارب

باقي دفعاات ثانية بتنزل الأسبوع القادم في جامعه فيصل بس مارح يطلع التخصص اللي ابقاء

ومسألة اني ادرس على حسابي مو معقوله

لأني تعبت وتعبت وتعبت وبالنهاية ادرس على حساابي
وإلي اقل نسبهم مني ينقبلون وانا لا

وش ذنبي

للأسف ذنبي الوحيد اني ماعندي فيتااامرين (واااااااو)

[خالد التميمي]

يابنت الحلال خلي اعتمادك وتوكلك على الله انا وكثير زيي دخلنا بدون واسطه مشكلة الفرع النسائي انهم مايقبلون الا عدد قليل حوالي متين بنت بس ولا فيه الا فرع واحد للنساء
فطريقة اختيار الطالبة للمعهد تعتمد على عدة عوامل
1- ادائها في اختبار القبول
2-نسبة الثانوية العامة
3-اذا تساوت نسبة الاختبار يلتفتون على نسبة الثانوي واذا كانت نفسها يلتفتون على من الي قدم للاختبار اول يعني مثلاً انتم الثنتين قدمتو الاختبار اول يوم الي هو السبت
والي كان معدله متساوي معكم في كل شي قدم اختباره يوم الاثنين الي يدخل اليي مقدم يوم السبت نظام المعهد صارم مره وقليل فيه الواسطه لا تخافون وقوو قلوبكم والي كاتبه الله بيصير وان شاء الله تكون خيرة لكم واذا لاسمح الله مانقبلتو تقدمون السمستر الي بعدها كثيرين سوو كذا وانتو توكم في بداية عمركم

[برمجيات]

الله يسلمني ان شاء الله :bleh:

حتى انا عندي هالذنب xDD

اعترف انه بطني يوجعني ..

[اماني الدنيا]

والنعم بالله

واللي الله كاتبه بيصير

والحمد لله على كل حاال

اعترف اني متوتره وخاايفه الله يكون معااي

[خالد التميمي]

عقوبة وش انتي مسوية بس xDD
سلامتك ماتشوفين شر يالدبة

[اماني الدنيا]

بغيت اسألك خاالد

طيب في بنات ينحطون احتياط

لأن في بنات يسجلون ويقدمون الاختبار بس بعدين مايروحون <<< لأنهم انقبلوا بمكان ثااني

[خالد التميمي]

اكيد فيه احتياط ونظامه نفس نظام الطيارة اذا ماجى الاساسي يدخل الاحتياط بداله

[برمجيات]

الله يسلمك خييو ..

اعترف انه المسن زحمة ذا الوقت .. البنوتات كلهم دبب مثلي ماينامون إلا الصبح هع

[احلى منى]

اعترف اني ادعي الله يوفق اماني >>حبيت هالبنت مدري ليه:MaM(61):




اعترف اني ماسويت ترحيب للنفسي MaM(60)



اعترف بروح اقمز اسوي ترحيب

[خالد التميمي]

هههههههههههههههههههههههههه
حيل الله اقوى قسم بالله ودي احذف ثلاث ارباع الي عندي مااكلم الا اثنين ثلاثه بس والباقي يابالخارج ولا مايسولف

[اماني الدنيا]

اعترف اني ادعي الله يوفق اماني >>حبيت هالبنت مدري ليه:MaM(61):




اعترف اني ماسويت ترحيب للنفسي MaM(60)



اعترف بروح اقمز اسوي ترحيب


ويوفقك معي يارب

وحبتك العافيه يا اختي :blush-anim-cl:

تسلمين

واعترف انا ان التوتر مازال موجود واللحضه الحاسمه هااي قد تبدا

لحضه الرحله إلى الرياض

[برمجيات]

اممم انا اكلم وشابكين اتصال بس مو كثير ؛ ملل شوي .. يعني بس القريبين و الفلة ..

هلا فيك خيتو منى >> ترحب هنا لاتقولون مارحبت هع

الله يوفقك اماني .. إن شاء الله كل خير بوجهك ..

اعترف انه البيت هدووووء

[احلى منى]

اعترف ماقبل التهاني الا بموضيعي وحطي صور بعدMaM(60)

[اماني الدنيا]

اعترف اني خلاص باقوم باسكر الابتوب

وباقوم اجهز عشان رحلتي للرياض

دعواتكم اختكم امونه

[خالد التميمي]

الله يوفقك اختي اماني ان شاء الله ويسهل دربك
لا تقاطعينا ترى انتي الحين صرتي منا فينا

[برمجيات]

يسلم راسك منى ..

الله يوفقك اماني ..

اعترف انه الم بطني يزيد ..

[برمجيات]

اممم اعترف اني نعسانه وهم جوعانه لكن مانمت ولا اكلت وهم بعد بالأخير القى طااااف

اعترف اني انقهرت لكن .....

[خالد التميمي]

انقهرتي من ايش
اعترف انك انسانه عنيده

[برمجيات]

اممم تقدر تقول كذا

اعترف اني اتصلت على الفيصل لكن مثل ماقالوا ماتقدرين تآخذي منهم لا حق لا وباطل !"

[ساري الليل]

لاحول ولاقوه الا بالله العلي العظيم

[اماني الدنيا]

اعترف اني اعزكم كلكم وتسلمون لي كلكم

ومشكورين على دعواتكم

[برمجيات]

اعترف اني ابي اعرف ايش سويتي انتي وسيلفر في الاختبار .. إن شاء الله كل شئ تمام ؟؟

[اماني الدنيا]

اعترف اني اقولك الحمد لله تمام الاختبار حلو مو صعب حييييل يعني

اللي واجهت فيه صعوبه قطعة الانجليزي

[برمجيات]

اعترف اني لقيت صعوبة في قطعة العربي كانت مشربكة وتعالي طلعي خالد زوج من و سعاد زوجة من ووين تبي تروح روما ولا باريس ولا فينيا ومتى!!

سالفة ؛ حد قال اني بسفرهم على حسابي هع

بالأخير طلع خالد زوج عفاف وسعاد زوجة صاحبه ياعساهم كلهم يتطلقون طيب !!! xDDD

اعترف انه قطع الإنجليزي كانت سهله الأولى عن الدراسة و معلومات عن بعض التخصصات و المستقبل الوظيفي لها و الثانية عن القمر والشمس والارض يعني حلوين وسهلين ..

اعترف اني اتمنى اننا يارب نكون مقبولين إن شاء الله ^-^

[حورية الارض]

اعترف انه الموضوع جونااااااااااااان وربي وامونه وبرمجيات الدوبه ^__^ حبيتهم وربي

وادعيلهم من كل قلبي بالتوفيق وان شاء الله تنقبلوو باللي تبونه

امونه خلي املك بالله قوي والمكتوب هوا اللي راح تخذينه ويكون فيه خير لك

الواسطات مو كل شيء ومن ناحيه الواسطه بنظري فشل واللي يبدي حياته بفشل راح

يكون طول حياته فاشل

واعترف انه تمنيت انه سجلت بالمعهد لانه حبيته من هالمنتدى

دحين اسمع فقدتك وودي ابكي مترى ليه ضايق خلقي ودي انام ومابيا نوم

يمكن لانه فيه ناس مو قادرة انساهم واشتقت لهم حيل ومترى هم نفسي لو لا

صحباتي زمان عنهم اشتقت لهم مووووووت كرهت العطله لانه ملل ولا شوفت صحباتي

[برمجيات]

اعترف ان الدبة برمجيات ترسل لك تحياتها مع شوية بخور وفحم واعشاب >> شغل مشعوذين هع
ربي يوفقك انتي بعد ياحورية وجميعا ان شاء الله ..

اعترف انه درجة الحرارة عندنا لاتطاق خصوصا الشرقية والرطوبة حقها .. خسارة مافيه سفرة هالسنة حتى لو سافروا الاهل " لا وياريت استفدت شئ من هالجلسة إلا لسا ما انقبلنا بمكان يفتح النفس ولله الحمد " ..

اعترف اني رايحة آكل كريم كراميل لاجل ابرد شوي هع

[UnKnOwN]

اعترف .. برمجيات دخولك و اندماجك مع باقي الأعضاء كان سريع و حلو
بالتوفيق

[برمجيات]

اعترف ان كل ذلك بسبب التعويذة التي القيتها على المنتدى >> براااااااا xDDD
لا والله انتوا ناسات حبوبين و النفرة "اللي اسمها انا" حبتكم وارتاحت لكم ^-^

اعترف اني لو مليت زيادة راح يتم نقلي بقرار من هيئة الامم المتحدة بالإتفاق مع ناسا للمريخ خوفا على الارض من الانفعالات الغير متوقعة هع

[UnKnOwN]

اعترف ان نعسان و الدوام لسه ما بدأ

[برمجيات]

اعترف اني اتسائل دوام شنو ؟؟

اعترف انه الحر رجع .. يعني اروح آكل كريم كراميل مرة ثانية هع

[UnKnOwN]

دوامي .. شغلي
يبدأ الساعة 7 المفروض إلى 1
أفهميها في مطعم يعني http://www.sitesstar.com/vb/images/smilies/msn/biggrin.gif

[برمجيات]

سوكّا ..
ربي يوفقك ويسهل عليك " حسيت حالة ولادة هع " وان كان دوامك بنسبة ربي يزود الطلبات عليك وان كان راتب ثابت يخفف الطلبات عليك :26-110:

اعترف انه الصوت اللي اسمعه رهيب .. مدري ايش يشرب من الصبح ؟! >> بيعتزل مسكين xDDD

[UnKnOwN]

الله يخفف الطلبات .. لكن تصير مثلاً طلبية وحدة كبييييرة
أريح خخخخخ

[برمجيات]

او جيران يطلبوا مرة وحدة ؛ هم حلوة هع

اعترف انه الحر بيخليني كذا>> tears

[حورية الارض]

انا اعترف انه ودي اداوم بدلك يالمجهول من الطفش ^__^

[برمجيات]

اعترف ؛ تخيلي حورية نشتغل في مطعم توصيل مشي لأنه مانسوق لسا خخخخخ
اعترف انه الطلب بيكون علينا كبير في سوق العمل كاننا متخرجين من المعهد MaM(60) ؛ لانه الطلبات راح توصل ساخنة مثل كانها طالعة من الفرن لسا من سخونة الجو هع

[UnKnOwN]

من قال ليكم اني سواق خخخخ
انا محاسب + مراجع الفواتير
وامس تحققت دعوتك وربي المطعم فاضي مع انو ليلة جمعة و الناس مجتمعة
غيرت رايي زحمة احسن .. فاضي ما يمشي الوقت

[برمجيات]

هع بس كذا جاء في بالي لانه الشغلة حماس من بيت لبيت هع
خخخخ شفت يعني ارتحت بالشغل .. بس اوبس دعوتي مستجابة شكلي بدعي علشان الناسات تدخل المعهد وياي هع

اعترف انه اليوم الجمعه >> شئ طبيعي هع
اممم قصدي ملل مافيه كليات وجامعات اكلمها وامللهم >> طفشوا مني هع

[UnKnOwN]

اما ارتحت ملل مافي زباين
خخخخخ

طبعاً عرض خاص لكم الا يجي المطعم و يقول من طرف ان ناون .. خصم يصل الى 100%
free

[برمجيات]

خلاص انا نويت اجي بس وين العنوان ؟ نشبه ترى xDDD

اعترف اني حولت المسن اوف لاين لانه خلاص البنوتات راحوا يناموا بس ضلت بنت خالتي ووحدة ماتنام ابد هع

[UnKnOwN]

شارع المطاعم جنب أخلاد MaM(60)

[برمجيات]

وين وين ؟!

خييو من وين انت ؛ من الشرقية ؟ حسيت كذا ؟

اعترف اني ضعت بالوصف شوي هع

[UnKnOwN]

خخخخخخ اي من الشرقية

[برمجيات]

بس بس خلاص عرفت .. جيراننا من بعيد هع

طيب شنو تبيعون بالضبط >> ما اعرف مطاعم ذيك المنطقة !

اعترف انه العم جوجل ينفع هع

[UnKnOwN]

فهيتا ( لحم - دجاج ) أ
فهيتا = ساندوش مكسيكي
و معجنات بجميع انواعها و نشتهر بالبيتزا vb أطرافها لبنة
و مشويات اشهرها الكباب
اسم المطعم شيراز .. مكون من فرعين .. احنا فرع شارع المطاعم و الفرع الثاني في الكرنيش MaM(60)

<<<<< دعاية للمطعم :26-22:

[برمجيات]

هع هع والله العظيم جوجل قال لنا عن البيتزا .. بس ولا مرة جربته ترى من جد دعاية مسوي خييو هع

اعترف اني تحمست للمطعم توصلون قريب منكم ؟؟ هع

[UnKnOwN]

يس .. لكن وين بالضبط ؟
كل اماكن لها أسعار

[برمجيات]

هع هع خلاص خييو انا موافقة بطلب وبستلم الطلب بنفسي هع مشكلتي طيبة ما ابي اتعبكم هع
:bleh:
اعترف اني اكتشفت اسم هالمطعم بالرياض والفضل يرجع لعمو قوقل !! " بس ذاك غير يعني هع "

[UnKnOwN]

ما اتوقع نفسه .. لأن صاحب المطعم من القطيف و عنده هالفرعين بس
و بيني وبينك المطعم مو ذاااك الربح .. مو يخسر بس مو لدرجة فرع في الرياض MaM(60)
<<<< ما صار لي اسبوعين فيه بس طبقت دراستي المحاسبة عليه MaM(55)

[برمجيات]

هع هع يعني اللي في الرياض تعرفه وجربته ؟ اممم شكلي دراستي بالرياض وما اعرف مطاعم هناك خييو بآخذ خبره منك هع
امم خييو انت تصير اي سنة تدرس و وين بأي فرع ؟؟
يا أخي انا اعترف انك دعاية بقول لهم يعطونك نسبة هع بس بعيد مين بيجيب لي الطلب خخخ

[UnKnOwN]

أنا ما عمري طبيت الرياض
ولا اعرفه .. بس الا اعرفه انه مو تبعنا ..
لأن عندي مدخول الأفرع عشان جدولة كل يوم و المنتوج و الإحتياج في المطعمين
و كم من كل شي نحتاج MaM(60) + الخصومات و صافي الربح

أنا أدرس في معهد الإدارة من سنة ونص .. خلصت لغة في سنة
و درست نص سنة محاسبة و رسبت أول سمستر ( متعمداً ) لغاية في نفس يعقوب
و برجع رجعة قوية بعد الإجازة .. و بحاول ما اترك الشغل لانه نفس مجال دراستي
محاسبة + محاسبة .. و لعن الله الثالثة أن وجدت MaM(60)

بعيد وين يعني ؟؟ لدرجة ما نقدر نوصل ؟
لان نوصل لأماكن أبعد ما تتخيلي
<<<< عادي سواقنا مصري و اسمه محمدين MaM(60)

[برمجيات]

احم احم يا خييو قلت يمكن تعرفه وتبعنا قلنا نجمع لنا كم مطعم خخخ
هع هع ربي يوفقك ان شاء الله
خخخخ ياخييو خلاص انا لما اطلب اسالكم توصلون المنطقة الفلانية ولا :bleh:

اعترف انه راسي بدأ يوجعني بس مالي خلق انام (:

[UnKnOwN]

هههههههه طيب .. أخلي محمدين يوصل لكم ..
أنا راسي ما يعورني ولي خلق أنام من الساعة 7 المغرب
باي

[برمجيات]

خخخخ بطلب من فرع الكورنيش :bleh:
نوم العوافي خييو

اعترف انه نفسي اتصل لبنت عمتي ازعجها هع بس ولد عمتي على رجوع و الإزعاج ماينفع كفايه تعب دوامه .. الله يعينه

اعترف اني بسوي كم شغلة بعدين افكر انام او لا ^-^

[UnKnOwN]

اذا كنتي من سيهات فرع الكرنيش ما يوصل لسيهات أقل من 100 ريال MaM(60)

[برمجيات]

هع :26-5:

اعترف انه بكرة اخوي بيآخذني .. قلت له قال بعيد بس بعدين قال بكرة آخذك " ياحبي له طيوب هع
"

[UnKnOwN]

هههههه بالعافية .. انصحكم بـ بيتزا vb و المعجنات بشكل عام
و المشويات بعد حلوة MaM(60)

[برمجيات]

هع هع كل شئ اجل .. اممم فيه عوائل ولا ؟؟ كاني سمعت انه فيه عوائل

اعترف اني عملت دعاية لمطعمكم استغربت لما اختي قالت انها تعرفه و اخذت منه !!

[UnKnOwN]

و لا مرة رحت الفرع الثاني .. بس ما اتوقع فيه
فرعنا مافيه
الفرع الثاني اقرب ليكم MaM(60)

[برمجيات]

خخخخخ .. شكلك عندك موقع بيتنا من Google Earth ؛ تراه مسجل اعمل بحث عليه هع

اعترف اني كان نفسي ادخل محاسبة لكن مافيه لنا :(

[UnKnOwN]

لا .. بس من طريقة الكلام وانا اشوف مشاركاتك قبل حتى ادخل وياك في كلام
عرفت احدد .. صحيح مو موقعه بالضبط لكن هالحدود MaM(60)

[برمجيات]

خخخخخخخخ طيب براحتك خييو هع

اعترف انه الاخ قبلي مسوي المحقق كونان :bleh:

[UnKnOwN]

ايه من يوم كنت صغير .. و لين ما اكبر و اعجز و اموت
وانا ملقوووف و احب اعرف كل شي .. و من كثر ما مارستها صرت محترف MaM(60)

[برمجيات]

هع هع

اممم اعترف اني فيلسوفة وانفع اكون محامية لكن مش محققة ؛ ياخييو هالوظيفة لك :bleh:

[حورية الارض]

هههههههههههههه اعترف انه اثنينكم محقيقين وبقووووووة

ولكم مستقبل باهر واعترف انه فيا نوووم ومابي انام لانه لسه بدري دوبنا 12 ليلا

مترى وش اسوي ومابه احد نتسولف وياه << الله يذكر الدكتورة بخير ماتقول نسولف تقول نتسولف

المجهول بجرب مطعمكم بس اسافر عندكم ولو صار ماحلو ياويلكـ وسوف اني اقول من طرف

المجهول من شان الخصم << تبي توهقه ^__^

[برمجيات]

اعترف اني نفسي اضرب نفرات MaM(64)

[UnKnOwN]

حورية ما أحد يقدر يخصم عليي MaM(60)

[حورية الارض]

احس انه انا من النفرات اللي تقول عنهم برموجه ^__^

لا يخصم عليك قصدي يسوي ليا خصم لما اقله انه انا اعرف المجهول ^__^

[برمجيات]

نهي نهي حورية

اعترف انه نفر واحد بس :sly:

[UnKnOwN]

اشتغل العرق الهندي

[حورية الارض]

ههههههههه اعترف انه تونست انه انا مو النفرات وهـ بس ^__^

[برمجيات]

لا الحين مو هندي
اعترف انه الحين العرق الأفغانستاني لأنه اشتغل الإرهاب حق بن لادن >> براااااااا :26-128:

[حورية الارض]

اعترف اني ما اعرف برموجه نظرا لانها تعرف بن لادن ^__^

[برمجيات]

اعترف اني اساسا بريئة من برمجيات خخخخ

[UnKnOwN]

لا تشوفك أنثى منذ الأزل

[حورية الارض]

اعترف انه ودي اغير لوعبه اكس اوو ويصير بس نفرين مافيه مشكل

وهـ بس يالمجهول الله يردها بالسلامه ^__^

[برمجيات]

اعترف اني الامس نمت بس 4 ساعات وافكر انام الحين وبعدين اصحى لأنه ناسات متوعدين فيني ويقولون ماحد قالك يصير وقت نومك غير وقت نومنا غصب بنصحيك ..

اعترف اني مرة نعسانه لكن ماادري احسه نظام اني اجلس لوقت متأخر وبعدين انام

[يجننهم هدوئي]

أعترف اني ملااانة ..
أعترف أني أبي أطلع أغير جو .. زهقت من القعدة في البيت ..
أعترف أن فيي طاقـة بس موو عارفة وين أطلعـها .. MaM(60)

[برمجيات]

اعترف انه فيه اشياء كثيرة افكر فيها وهم بعد ابي ارتب افكاري واحدد قراراتي وابي اعرف شنو بسوي بس الظروف متلخبطة :(

[ALONE]

اعترف انه انا خلال ال3 ساعات اللي راحت سبيت فوق ال350 سبة no111

[برمجيات]

بل بل بل ؛ خير ؟ ناوي تدخل موسوعة جينيس ؟؟

اعترف اني شكيت انه خييو وحيد عجبته سالفة انه ماصام الامس شكله اليوم مايبي يصوم :bleh:

[ALONE]

قهروني التفتيش اللي قبل البلد ب200 كيلو
عطاني مخالفة , عاد اللي ماريين يشمتوا بي ويضحكوا وانا ماسكنها
وطول الطريق وانا العن فيه اللي عطاني اياها << كفاية سجلنا في هالناحية مو كلير هع

ههههههه وعلى طاري الصوم
اعترف انه الهندي اللي في البقالة اللي اخدت منه فطيرة لوزين امس الظهر مو راضي يبيعني اياها يقول ممنوع رمضان هع

[برمجيات]

ماحد قال لك تسرع :bleh: يالله الحمدلله جات سليمة على مخالفة ماهي شئ ..

خخخخخ والله احنا جلسنا جوعانين تقريبا وكانوا البنات بيخربونها وبيطلبون غداء .. قلت عاشوا وش هالسالفة بعد ماادري اي مطعم فاتح لكم الحين هع هع

[ALONE]

هع حق يداهموكم الهيئة وهم الا ماعندهم كيري ميري بعد هع

[برمجيات]

هع يالله عدت بس بعدين نقضي الصيام ؛
اعترف اني كلمت الموظفة اللي هناك وقلت لها ماله داعي نجي مرة ثانية الحين شوفي اناملنا الذهبية وفكينا سالفة نجي مرة ثانية ويصير يومين بدل يوم :(
قالت لازم وهم بعد علشان تجيبون معكم رقم الحساب حق العربي وكل شئ

[ALONE]

هع يالله عدت بس بعدين نقضي الصيام ؛
اعترف اني كلمت الموظفة اللي هناك وقلت لها ماله داعي نجي مرة ثانية الحين شوفي اناملنا الذهبية وفكينا سالفة نجي مرة ثانية ويصير يومين بدل يوم :(
قالت لازم وهم بعد علشان تجيبون معكم رقم الحساب حق العربي وكل شئ
تجيبوا معاكم رقم حساب العربي بعد
خبري بهم هم ياخدوا البيانات ويفتحوه:26-47:

[برمجيات]

اعترف انه السالفة فيها عنصرية :(

[يجننهم هدوئي]

أعتـرف أن اللعـام عطينـاهم البرنت حق البنك أول يوم دراسة ..
وأن المقـابلات كانت في نفس اليووم اللي يسلموا فيه الشـهادة ..

[برمجيات]

امممم كان زين احنا كذا

اعترف انهم شوي معقدينها بس ان شاء الله تكون آخر طلباتهم ومشواريهم

[ح ـسين]

آعترف آن آموري مشت تمآم الحمدلله وآنقبلت بسرعه :)

[برمجيات]

اعترف اني اليوم تقريبا خلصت وسلمت كل شئ

ان شاء الله صرنا طلاب رسميين MaM(60)

[ح ـسين]

ليه البنآت كذآ معقدينهآ معهم !!!


آعترف آني طآلب رسمي من 8 رمضآن :)

[حورية الارض]

اعترف اني ودي اسوي جريمه بس مترى في منو خخخخخخخخخخ

[أحلى عالم]

اعترف ان الاتصالات اكككككبر توهيقة

[برمجيات]

اعترف اني ودي اسوي شئ حماس :(

[ح ـسين]

آعترف آني مسآفر بكره ،،

[حورية الارض]

اعترف انه انا جننت بوحده ^__^

[برمجيات]

تروح وترجع بالسلامة خييو ؛ اممم جا ببالي سؤال وين بتروح خييو ؟؟ >> برااااا ياملقوفة

اعترف ان الجو حار مرة ورطوبة

[حورية الارض]

اعرتف انه فاتحه المسن ومو مجمعه ~__~

[برمجيات]

اعترف انه بيتنا مفروض يدخل جينيس من حيث انّا اول ناس نشيل سفرة الفطور في رمضان >> اخاف نفطر قبل الاذان بس هع هع

اعترف امممم توقعت تكون النفسية زفت بس ان شاء الله توقعاتي إذا اكنت سيئة تكون كلها غلط ؛؛
يابنات جهزوا نفسكم بنروح الشراع مول clap

[ALONE]

أعترف انه انا مو مرتاح هاليومين ابداًَ

[برمجيات]

اعترف انه مافيه احد مرتاح بس حاول تشيل الضيق من بالك خييو ولو لوقت قصير لانك لو حطيت الضيق في بالك على طول راح يزيد ؛؛ وهم بعد لايجيك اكتئاب ؛؛ وراك معهد ودراسة وغربة في الرياض خذها كتجربة جديدة و صير متحمس لها >> عادي اهم شئ النفر يكون شئ بالأخير (:
روح اشتر لك ثياب جديدة للعيد واطلع مع صدقانك وبيروح الضيق ان شاء الله ؛؛ عاد انتو شباب عندكم اشياء وايد تفرجوا بها عن نفسكم لكن احنا ؛ لنا الله :( >> بتقلبها حقوق المرأة هع

اعترف اني مدري وش صاير فيني لكن كل شئ زود عن حده ينقلب ضده انا حتى في الضيق كذا إذا مرة تضايقت وايد انهبل هع

[ALONE]

ايه مو الضيق ماجابه الا الفضاوة والملل وطول الاجازة انشالله لين بدت الدراسه اكيد بتروح هالحاله ولفياب الجديدة اخدت لي قبل كمن يوم , انتي روحي اخدي لش هع

اعترف انني مؤمن هع

[برمجيات]

ان شاء الله تعتدل الأحوال (: ؛؛ وان شاء الله كلنا مؤمنين MaM(60)
انا اليوم رحت وطلعت الحصيلة بلوزتين بس ؛ بالإضافة إلى بنطلون وقميص اخذته قبل كم يوم ويبي لي من الحين لنهاية الإجازة في السوق علشان اخلص كل اغراضي لأنه كل شئ بالتقسيط واذا بقضيها كل روحة سوق على قطعتين شكلي بروح بشنطة فاضية او اخواني بيذبحوني على المشاوير هع
اعترف انه كله بسبب اخوي هو خلانا مانتسوق عدل مامدانا إلا يقول يالله سريع بنروح المطعم نتسحر ولا كان صاروا ثلاث قطع بدل قطعتين ؛ كنت حاطة قميص في بالي بس لازم افر السوق كله بعدين اقرر هع
اعترف انه لون اللي كنت بشتريه فجعه كان لون كذا >> ||||||| MaM(60)
اعترف لو ظليت على هالألوان كان بيطردوني معهد الإدارة هع

[ALONE]

حق يطردوش من المحاظرة لين تروحي لهم بأصفر وله اخضر فاتح هع هع
وملبوس العافيه يارب

اعترف اني الحين مضيع وقتي وفاتح اليوتيوب هع هع وبطني عورني من الضحك

[برمجيات]

خخخ وش دعوة طيب انا احب الالوان اللي كذا يعني احسها نشاط وحيوية >> بامبرز MaM(60) هع
وهم الوان فيها عبط يعني تناسب الشخصية انا مستغربة اني للحين ما اخذت ذي الالوان حق المعهد هع >> خايفة من الطرد بتهمه ازعاج السلطات هع
الله يعافيك يارب ؛؛ وحتى انت تقطعهم بالعافية هع
اممم اليوتيوب ؛؛ مافيه إلا بنت عمتي تحمسني عليه نجلس وكل وحدة تتفرج وترسل للثانية إذا عجبها عاد انا احب زاوية مقاطع المسرحيات حق طارق العلي
اعترف اني عطشانه ؛؛ شكلي بقاطع المطعم اللي رحنا له الاكل زين لكن ماحبيته مافيه إلا اشياء إعتيادية واخوي طاير فيه يقول الاكل يجنن المشكلة احنا صدقناه ورحنا وياه واحنا نعرف انه مايطلب إلا اعتيادي ؛؛ بس يالله لازم النفر يجرب
اعترف اني ودي احوس المنتدى والعب في كل الالعاب >> جالسة تدور في الغبار هع

[ALONE]

خخخخخ ويش اسمه المطعم يالحيويه هع

هع حوسي والعبي اما انا شوي وبحقرش باكمل يوتيوبي هع

أعترف اني موقف اليوتيوب علشان ارد عليش عورتي بفادي لحالش هنا هع هع

[برمجيات]

مطعم السندباد كانه >> ماركزت ع الاسم لانه ماحبته هع
بس له اسم قديم كان الحسن يمكن
خخخخخخ ؛؛ هع هع صحيح لحالي لكن لو مليت بروح انام عادي خييو روح ع اليوتيوب
اعترف انه الكل يتوقع انه الجلسة على النت ممتعه ؛؛ اممم في اغلب الاحيان تكون مملة وماعندك شئ تسوية وساعات اكثر احط شئ اسمعه وبس مع اني متواجدة ع الايميل و المنتديات بس ما اشارك يعني ملل

[ALONE]

اهاااا << ماعرفه المطعم هع
هي اوقات ممتعه واوقات تكون بس مضيعت وقت زي هالايام ماهي متعة , الا تطيير فضاوة وزهق هع
اعترف ان قلبي فاضي

[برمجيات]

المطعم في القطيف وانت ماتعرفه وانا اعرفه >> حماس طلعت اعرف اكثر عن مطاعمكم مو بس انت تعرف عن مطاعمنا :bleh:

اعترف انه رسالتي الشخصية في المسن غريبة شوي وفيها عبط هع
اعترف انه بنت عمتي وحشتني اليوم ماكلمتها وهم عمتي من زمان عنها وماكلمتها بالعادة لما اكلم بنت عمتي اكلم عمتي لكن هالأيام مشغولة بسبب الإنتقال للشقة الجديدة :(

[ALONE]

هع هع انا اعرف مطعم اسمه الحسن بس ماخبري فيه عوايل هع هع
ورسالتش الشخصيه ويشو هي حطيها هنا خلنا نضحك هع

اعترف اني مليت من اليوتيوب

[برمجيات]

اممم مدري هو يمكن اسمه القديم كذا ؛؛
هع عبيطة شوي
"خارج التغطية حاليا الرجاء المحاولة مرة اخرى او الإتصال على 905 والإستفسار عن موقعي هع" MaM(60)
اممم قصدي على بنت عمتي إذا دخلت تدق عليّ وبرد عليها حتى لو كنت بعيدة عن الجهاز هع
بالعادة كله الرسالة الشخصية عبيطة سواء لي او لها كلهم شفرات واكواد هع

اعترف اني فرفرت في المنتدى هع

[ALONE]

ههههه دقيت 905 مايرفعوا هع هع وهالله هالله بالشفرات

اعترف انه رجايلي تكسروا من القعده عالنت

[حورية الارض]

اعترف انه دحين فاقده حاجه وربي حيييييييييييييييل غالية tears

[loveu99]

كل يوم اطب ع لعبه ونااصه

اممممممم بعترف اعتراااف ختييير <<اوص بس كلن يعرفه
اعترف بأني غريبه اطوااار
مسلا مسلا احب البس الساعه عاليمين احس لو حطيتها باليسار زي الناس غلط مارتاااح
واشيا كثيره تقص الويه

يلااا
brb

[شبكاتي]

ذكرتوني بلعبت البطل اللي تفره ولما يوقف عند واحد يعترف ...

يعني اللحين دوري بعترف اعتراااف خطييييير جدا جدا جدا

أعترف إني مستانس بالمنتدي مع إن مشاركااتي شوي بس وناسه ...

[loveu99]

وي وي اعترافك ختييير تصدق
لو مكانك اخليه سر ماقوله لحد ههههه

[شبكاتي]

ليش لا تقولين فيه ناس تحسد بالمنتدي << شاك بالبعض ههههه...

أهم شي إنك تعترفين أنا بعترف أعتراف انك إنتي بتعترفين إن مستانس لليوم الوطني < شدخل

[برمجيات]

دقيت 905 مايرفعوا هع هع وهالله هالله بالشفرات
تصريف كاااااااااااك MaM(60)
اعترف انه رجايلي تكسروا من القعده عالنت
هع ودي افهم؛؛ يعني كيف من القعده عورتك رجلك :26-193:
ع العموم سلامات خييو MaM(60)

كل يوم اطب ع لعبه ونااصه
اهم شئ الوناصة هع
اممممممم بعترف اعتراااف ختييير <<اوص بس كلن يعرفه
قولي سرك مفضوح ان شاء الله >> على كل الفضائيات هع
اعترف بأني غريبه اطوااار
اوبس اوبس ؛؛ يعني مو من كوكب الاض ؟!
اهم شئ مو من زحل ترى ماينصحون باهله اهل المريخ وش زينهم راعين فزعات MaM(60)
مسلا مسلا احب البس الساعه عاليمين احس لو حطيتها باليسار زي الناس غلط مارتاااح
اها فهمت ؛؛ عندك حاله حوليساريمينية غير مستعصيه hyy " اختصار للمصطلح الطبي حول من جهة اليسار لليمين كااااااااك MaM(60) "
واشيا كثيره تقص الويه
لا عادي خيتو فيه ناس كثير ما يرتاحو إلا كذا ؛؛ اممم انا فيني شئ غريب اني اسوي العباية بنقشه ع طرف الكم لكن لما البسها اخبي النقشة " اختي تقول ليش تخبينها كان لا سويتيها من اساس اقول لها بكيفي انا احب كذا MaM(60) "

ذكرتوني بلعبت البطل اللي تفره ولما يوقف عند واحد يعترف ...
يا أخي وش بطله حسيت اني فهمت غلط شوي هع
يعني اللحين دوري بعترف اعتراااف خطييييير جدا جدا جدا
أعترف إني مستانس بالمنتدي مع إن مشاركااتي شوي بس وناسه ...
اما خطير MaM(60) ؛؛ الله يدوم الوناسة عليك خييو (:

اممم اعترف اني سمعت طاري اليوم الوطني ؛؛ مافيه إجازة ؟؟! >> براااااااا

[ALONE]

تصريف كاااااااااااك mam(60)

هع ودي افهم؛؛ يعني كيف من القعده عورتك رجلك :26-193:
ع العموم سلامات خييو mam(60)



هع لانه طاولة حق الكمبيوتر ماعندي هع الكمبيوتر حاطنه فوق التسريحة قدام لمراية ,, تتوقهي يكفي للكيبورد والشاشه هع ورجايلي وين بيروحوا غير فوق الطاولة هههههه ,, تعقيد قعدتي لو تشوفي تضحكي سنتين هع , بس يالله مش حالك

[برمجيات]

خخخخخخخخ هذا لما اجلس ع الكنب انواع الضحك يقولون ساعات تتكرفسي هع

اعترف اني ابغى اروح السوق بس مافيه احد يوديني >> ماطلبت من احد لكن المتوقع هع

[ALONE]

هذا انتون يالبنات كله سوق سوق هع

اعترف اني ابغا احد يمر عليي يلفلف بي مايوقف الا الساعه 3 هع

[برمجيات]

انا ما احب الأسواق بس لازم علشان اقضّي اساسا انا واختي عكس البنات ما نحب السوق هع هع

اعترف اني اشاهد الحلقة هع

[حورية الارض]

جلستك ماارة عجيبه ومافهمتها خيو ^__^


اعترف انه ودي اصفق اللي بجنبي نايمه وتاركتني ~__~

[برمجيات]

اعترف اصفقيها ع الاقل قللي نسبة الملل والطفش في البلاد هع

اعترف اني تجولت في المنطقة سيرا على الاقدام واخيرا رحت بيت اختي شفت حمودي ورجعت ومعاي بنت اختي وما مداني وصلت بيتنا إلا رجعت بيت اختي لانها قالت تبي ترجع البيت الابيض >> ماتبي تفارقة هع

[حورية الارض]

هههههههههههههه مايمدي صحت دحين ولا صفقتها خخخخخخخخخخخ


اعترف انه ودي اذهب لسوق من شان اخلص اغراض

[برمجيات]

اعترف اني ودي انك تمرين عليّ هع

[حورية الارض]

حياك بس انتي وااااايد بعيده ^__^

بس اجيكم امركـ

اعترف انه شوي ورايحه السوق خخخخخخخ اخيرا

[برمجيات]

هع هع
ترجعي بالسلامة

اعترف نفسي احط السماعات وما اسمع اللي حولي

[ح ـسين]

آعترف آن علي قسآيم 6 آلآف !! < مقهور ،،

[ALONE]

6 الاااااااف مره وحده
في كم سنة جمعتهم هال6 الاف
اكيد تنزيل وتظليل هع
الله يعينك حبيبي

اعترف انه عليي مخالفتين

[loveu99]

برمجيات لا من عطارد انا عطارديه هع
حاله حوليساريمينية ههههههه اهم شي اوب ختيييره الحاااله

اعترف بأني كذبت اليوم بس كانت كذبه لغرض نبيل ههههه

[حورية الارض]

اعترف انه اشتقت لناسات ماشوفتهم دحين ~__~

[برمجيات]

برمجيات لا من عطارد انا عطارديه هع
مرحبا بك في منتديات كوكب الأرض هع هع
حاله حوليساريمينية ههههههه اهم شي اوب ختيييره الحاااله
مو خطيرة هع
اعترف انه عيني تشتكي تبي ترتاح لكن كيف اريحها موب كيفي هع
اعترف انه راسي يوجعني ..
اعترف اني ابي ارجع انام ..

[حورية الارض]

اعترف انه دحين بقفل الاب وانام ~__~

[loveu99]

اعترف بأني تفساانه بس مدري من وش<<<ماعندها سالفه

[برمجيات]

اعترف انه الحياة صعبة هع
اعترف انه ودي اروح السوق ؛؛
اعترف اني بشاهد حلقة ام البنات في قناة ابوظبي بلاس >> وش تبين ؟ هع هع

[ALONE]

اعترف انه مسوين محادثة جماعية في لسكايبي ومسوين حفلة انجليزي كل واحد يألف ونتعلم هع ههههههههههههه

[اماني الدنيا]

اعترف اني تركت المنتدى لي فتره

[برمجيات]

اعترف شئ مفيد خييو وحيد (:

اعترف لك وحشة امونه MaM(60)

[اماني الدنيا]

اعترف انو حتى انتي وحشتيني :)

[ALONE]

اعترف انه وصلتني رساله خلتني اسوي فكر فكر هع

[برمجيات]

اعترف تمام انها سوت فكر فكر واحنا في اجازة هع
اعترف انك لازم تفكر ومن ثم تفكر واذا تعبت حط الرسالة هنا واحنا نفككها لك ونفسرها هع

[ALONE]

هع ماتنحط هنا لانها بتسوي تفاعل مع مادة الهيدروكسجين هع

[برمجيات]

هيدروكسجين >> هيدروجين واكسجين بالاغلب يكونون الماء او الهيدرينوم اممم اي منهما تقصد >> هع تتفلسف بالكيمياء

اعترف انه معلمتنا الكيمياء كانت مرة تمام الله يذكرها بالخير ويوفقها ان شاء الله (:

[ALONE]

اخ بس اخ لا تذكريني بالكيميا والله استاذنا يا انه نذل وبقوة مع انه تخرجنا وخلصنا بس كل ما اتذكره ادعي عليه ههههههه اوقات يشوفني بره اصخن سيارتي بروح البيت نهاية الدوام , يجيني عند سيارتي يعطيني كوز يقول يقول حله وجيبه وياك باجر او ارسله لي ايميل وله ناقص درجتين هع , ايام الاختبارات يجي يقول انا اقولها لكم كاش ماباجيب اسئلة لا من الكتاب ولا الدفتر , باجيب اسئلة من راسي ويقول روح داكر حق صف اول وثاني وحتى كتاب اختك اللي بالجامعه داكره انا مادخلني المهم باجيب اختبار صعب ,, وفي الاختبارات النهائية هالسنة اخر شي جا لينا متحلف يقول هالسنة البطولة حقت الرسوب انا اللي بافوز بها , وفعلا كلنا رسبنا في الكيميا فوق ال15 طالب من فصلنا مع اني كنت حال مزبوط بس الظاهر يوم انه يجي يصحح الاسئلة كان متزاعل ويه المدام ليلتها هع , يا انها ليلة من الليالي السود اللي رن فيها جوالي ديك الليلة يقولي انت راسب في الكيميا هع عقدنا الله يعقده

[برمجيات]

من جد ؟!
اممم احنا البنات مو طايقين المعلمة وكتبوا عنها في الجريدة بس بصراحة غلطانين والغلط من ساسهم لراسهم يعني بالنسبة لمنهجنا الأسئلة اللي جابتها تافهه مع اني ما اخذت علامة كاملة لكن لو جابت اسئلة مثل اللي كذبوا فيها البنات كان كلنا راسبين في الكيمياء المنهج كان دسم بقوة والحمدلله افتكينا منه هع

اعترف انه البنات ماحمدوا ربهم على النعمة اللي هم فيها ؛؛ ملعمة تشتري فيها كل المعلمات بس مافيه تقدير ولا احترام ويكذبون عيني عينك !..

[ALONE]

هههههههه حتى في الجريدة خووووش اكيد بتطغي عليكم
اممم ويش احلى مادة كانت عندش ايام المدرسه ؟

[برمجيات]

بعد الإختبار تكلموا في الجريدة عن انه الأسئلة كانت صعبة وخارجية وانها كانت تهددنا بالأسئلة الصعبة و تخلينا نتوتر قبل الاختبار وكل هذا كذب ؛؛
اممم كنت احب الاحياء بس جات لنا مدرسة فاشلة لدرجة من حيث الشرح والمعاملة بالاخير صرنا نعاملها مثل الاطفال لأنه هذا اللي ينفع مع عقليتها الصغيرة ؛؛ اما الزبدة الزبدة تراني ما احب ولا مادة هع هع لا ادبية ولا علمية يعني غاسلة يدي من الكل هع
اعترف اني بسال نفس سؤال خييو يعني سيم سيم >> بس علشان تقول اعترف بحسب اللعبة هع

[ALONE]

خخخ أحلى شي عندي الانجليزي بعد قلبي الاستاذ لو الف الدنيا كلها مابحصل واحد زيه
ومادته ممتعه ويجيب لنا امثله حلوه حببني في المادة ودايم اشارك معاه وتقريبا ارفع مادة عندي كانت الانجليزي وصرت الاول على فصلي هع , حتى اني كنت اتمنى ياليت كل الحصص انجليزي احس بالمتعه هههههههه

[برمجيات]

ياويلي شكلي انمسحت مني الذاكرة نسيت اني احب الانجليزي والحاسب
اعترف اني خرفت هع

[ALONE]

هههههههه هذي حزة التخريف عندش هع
اعترف انه اليوم يوم القدس هع

[برمجيات]

خخخ جاني النوم هع

امم اليوم 17 ؟؟

اعترف انه راسي وجعني خلاص يعني تباشير النوم قد اقبلت هع

[ALONE]

اليوم 18 وعربي مادري كم هع
قومي نامي خيه نوم العوافي ونتفاهم الليلة هع

[برمجيات]

حسبت الجهاز مخرف لانه قبل الفرمته كان مقدم يوم هع
طلعت انا المخرفة واخرته يوم لانه بعد الفرمته صار التاريخ عدل هع
الله يعافيك يارب ؛؛ على شنو نتفاهم ؟؟
اعترف انه عيني بتقفل هع مايمدي اوصل السرير هع

[ALONE]

خخخخ قومي نامي الليلة اعلمش
الحين منتين مركزه مفهيه حدش هع

[برمجيات]

اعترف اني بروح انام ؛؛ سلام ..

[ALONE]

عليكم السلام احلام سعيدة

[اماني الدنيا]

اعترف انو اشوي وينتهي رمضان ويجينا العيد

[حورية الارض]

اعترف انه صج صج مليت من السوق وانا لسه ماخلصت ~__~

[ALONE]

اعترف انه البنات يحبوا السوق اكثر من نفسهم هع

[برمجيات]

اعترف اني طلعت السوق وكالعادة شريت بس قطعتين "بلوزتين يناسبون للعيد الوطني MaM(60) "هع >> مدري ليش التقسيط
وبعد اكسسوار >> زيادة يعني خخخ
ولما اشتريت الإكسسوار نسيت ما اخذت باقي فلوسي خخخ بس لما رجعت لنفس المحل عرفني وقال انتي مشيتي >> مستغنية عنهم هع هع
اعترف اني كنت متأزمة يعني متى بخلص من السوق وانا كل مرة على قطعتين بس يالله ربي معين
اعترف اني تكسرت رجلي مدري ليش مجمع الظهران ارضيته تعور الرجل كل الاسواق ماتعورني رجلي بس الظهران خخخ

[ALONE]

خخخخ كاشخه برمجيات صرتي تتابعي ماركات وخرابيط هع اجل مجمع الظهران , انا رحت الليلة السوق شفت بس السرا على المحاسبه قلت هع هع يولوا خلني لا لبست جديد في العيد خخخ
اعترف اني مستانس بقرب العيد

[برمجيات]

هع تراني مو متابعة ماركات بس اللي يعجبني آخذه سواء كان ماركة او لا
سيتي بلازا كان زحمة على المحاسبة بس اساسا ما اخذت شئ وطلعت هع
اممم لو ضل رمضان كان احلى اممم مو متحمسة للعيد مرة

اعترف انه الساعة الآن 6:13 ص >> ماعندي اعتراف هع هع

[ALONE]

خخخخخخ زين اجل هع

اما بالنسبة لي اعترف اني مليييييييييييييييييت حددددددي من رمضان حاس بنفس الضيقة والكآبه اللي في صفر خخخخ يالله باجر العيد وكل عام وانتو بخير

[برمجيات]

وانت بالف خير خييو ؛؛ يعني العيد ربيع هع

اعترف انه الجو بارد

[ALONE]

اعترف انه الغرفة باردة وبره الجو مو داك االزود
يعني فيه شوية رطوبة هع

[برمجيات]

ايه لأنه رطوبة صاير المكيف مرة مرة بارد بس عناد بأختي ما ابي اخليه اوتوماتيك هع

اعترف انه ودي اروح البحر لو كان كيف مايكون الجو ؛؛

[ALONE]

اهاااا هع نحيسه مافيه فايدة هع
اعترف اني برررب شويات هع

[برمجيات]

مو نحيسة بس اللي يطق الباب يسمع الجواب والبادي اظلم هع

اعترف تيت خييو هع هع

[ALONE]

اعترف باك خخخخ
اعترف انه امس هالحزه فله وضحك اما اليوم مو زابطه ويايي النفسيه احس ملل مافيه احد لا مسنجر ولا شي صاير فاضي النت هع

[برمجيات]

هلا خييو ؛؛
اممم نفس الحالة ماعندي ماسنجر ومو راضي يضبط نزلت كل التحديثات بس مانفع :(
اعترف اني رحت الأمس فصلت لي عبايه ؛؛
اعترف انه جسمي جمد من البرد هع

[ALONE]

ملبوس العافيه يارب
انزين نزلي على المكيف له هع

<< اعترف اني بافصل ثوب في خياط الدشداشه مادري الدشاديخ مادري دشداشة الخليج مادري شسمه هع هع

[برمجيات]

الله يعافيك ؛
طفيته مرة وحده هع
الدشداشة اللي في الدمام (:
لما يجهز خبرنا هع
اعترف اني افكر كيف بتكون الحياة في شقة في الرياض ..

[ALONE]

بتحسي الايام تمضي بسرعه على قولتهم هع هع
الا صحيح المكتب يوفروا لكم مواصلات من وإلى المعهد ؟

أعترف انا بعد فكرت كيف بيكون السكن في سكن المعهد هع

[برمجيات]

اممم ان شاء الله ؛؛
خخخ كأننا خدامات مع المكتب هع ؛ ايه يوفرون لنا مواصلات
امممم احس احسن من حالنا احنا البنات لانكم تقدرون تطلعون ع الاقل حتى لو كنتوا محكومين من إدارة السكن ..
اعترف اني توني رجعت من بيت اختي ؛؛ حمود رجعت له عقدة الصياعة وصار يوقف شعره مرة ثانية هع

[ALONE]

خخخ نتأقلم مع الايام

اعترف اني استغربت من زحمه لهنوووود تكحين اول مره اشوف البلد كدا زحمه هنود ومن الصبح بعد مصلين صلاة العيد هع

[برمجيات]

استحلال هندي هع
تقبل الله خييو (:
اعترف انه الجو برا حليو ؛؛

[ALONE]

ايه حليو والكورنيش ززززززززحمه قبل شوي

اعترف انه الكورنيش زحمه هع

[برمجيات]

حركات رحت الكورنيش ؛؛ حماس هع
اعترف انه ودي اروح الكورنيش بهالجو ..

[ALONE]

اعترف انه برمجيات مافيه يوم ماتبي تروح فيه الكورنيش هع

[برمجيات]

هع اعترف اني احب البحر ؛؛

[ALONE]

الله يدوم المحبه هع

أعترف انه لصبيان كلهم بسافروا يوم الاربعا الا انا بنجب لحالي في البلد < وده يصيح من الزهق اللي بيصير كلهم بيروحوا باظل زي ويش يسموه لحالي هع

[برمجيات]

وين بيرحوا ؟؟

اعترف انه خالتي راحت سوريا وحصلت عزيمة بس ما حبيت اروح هع

[ALONE]

بيروحوا لغريب الغرباء <<< مسوه ماعندي بيزات عشان كدا مارحت هع الله يغنينا

اعترف انش خبله لانش ماقبلتي الدعوه اجل احد يعيف طلعه مدفوعة التكاليف هع هع << بدون برطمه من كلمة خبله هع

[برمجيات]

حركات ؛؛ الله يرزق الجميع ..
خخخ اي مدفوعة التكاليف انا اسافر مع اخوي ادفع كل شئ من طقطق لسلام عليكم هالدور مع خالتي اخليها تدفع عني هع ؛؛ إذا النفس مو طايقة السفر اكيد هناك بتخترب النفسية ..

اعترف انه حتى البحرين مالي خلق عليها ..

[ALONE]

اعترف انه لي خلق البحرين بس مخبايي مو راضي يصفي النية وياي هع

[برمجيات]

اعترف انه البحرين زحمة اكيد هالأيام ..

[ALONE]

اعترف انها مووت مو بس زحمه

اعترف اني باجر العصر بروح البر اخد لفه

[برمجيات]

حركات اهم شئ التطعيس والحركات التي منها ؛؛ بس اهم شئ السلامة ..
اعترف اني اكلت الامس من ابو عارف هع

[ALONE]

خخخ ايه بس مابنطعس بس بنتحكرش بالناس الرايحه والجاية بنقضي العصرية وبنجي هع
هع ابو عارف خبري به من صفر

اعترف انه نفسي في كبده هع

[برمجيات]

خييو ما ادري وش تبي من الحياة هع
لاحق عليها بكرة خييو هع
اعترف انه الجو بارد ؛؛

[ALONE]

اعترف اني بسكر النت وبقوم اشاهد

[برمجيات]

اعترف اني بروح انام ؛؛

[حورية الارض]

اعترف انه اسمع دحين لو يغيت الروح ^__^

[مكاوي فله]

اعترف انه فيني نوووووم

لعبتك يا سيد

[جـداوي]

اعترف اني طفشاان لدرجة الغليااان

[Йởυƒў]

أعترف إني نعسـآإآنه ..

[همســـــة غـــــلااااا]

اعترف اني طفشانه

[عــــزووز zR]

وانا اشهد :26-188:

[حورية الارض]

أعترف انه دحين متونسه حدي ^__^

[خالد التميمي]

اعترف اني ملقوف وش الي مونسك خخخخخخخخخخخخخخخخخ

[حورية الارض]

اعترف انك ملقوف شويه خخخخخخخ

متونسه لانه جت الشغاله وهـ بس ^__^

[خالد التميمي]

هههههههههههههههههههههههههههههههههههههههههههههههههه ههههههه الحمد لله اني رجال اللهم لك الحمد والشكر معطيني عقل وحسن التدبير
الله يوسع صدرك بالعافية
انا اعترف اني ضحكت ضحكة مدوية على كلام حورية ههههههههههههههههههههههههههه

[حورية الارض]

انا اعترف انه اتعجب ووجهي استفهامات على الضحكه المدويه هووووووووع

مدويه يعني شنو يعني عاليه موو

[خالد التميمي]

اعترف انها الحقيقة
وش عرفك بالمصطلحات كبيرة على مخك خخخخخخخخخخخخخخخخخخخ امزح والله امزح

[شبكاتي]

أعترف اني مشتاق للكويت واقول متي يجي يوم الاربعاء اهئ اهئ

[حورية الارض]

اعترف اني ملقوفه اكثر من خالد وبسال شبكاتي ليه اشحقه مشتاق انت كويتي ^__^

[شبكاتي]

كويتي بالدم ههههههههههه

انا مكس من كل بستان ورده على قولتهم

انا ناتج خليط ثلاث دول هههههههههه

الاب من السعوديه

والام من الاردن

وانا منولد بالكويت ودرسة بالكويت بحكم شغل الوالد وجيت للسعوديه منذو بفتره بسيطه

على شان اكمل حياتي العلميه هههههههههههههههههههههه

مشتاق للكويت بشوف ربعي وأصحابي اللي هناك وإن شاء الله بكره ماشي بالليل ...


أعترف اني نـآوي أخون باللي عندي وأروح اتغدي مع صاحبي << يارب سامحني

[حورية الارض]

هههههههههههههههههههههههههه تيب تروح وترجع بالسلامه ان شاء الله

سلملي عليهم برشى حتى مشتاقه لهم << بكاشه ماعندها احد هونيكـ *__*

ماتشتاق لغالي خيوو هيكـ الدنيا بعدين بكرة ان شاء الله شايفهم بس اصبر ^__^



اعترف انه شبكاتي خائن خخخخخخخ

[شبكاتي]

يـآ خاين العشره يا ناكر المعروف ههههههههه


أعترف إني اشم ريحة بحر جده والغربيه مع المدعوه حورية

[حورية الارض]

هههههههههههههه لا الحاسه عندكـ معطوبه للاسف MaM(60)

اعترف انه انا مو هون من الرياض
وليس لدي اي اتصالات او اشياءات بجده ولا شوفتها بحياتي غير مره واحده فقط MaM(60)

[برمجيات]

اوهايوووووووووو MaM(60)

اعترف انكم وحشتوتني كما يشتاق السمك إلى الماء >> كذابة اساسا ميت مادام انه طلع منه هع

اعترف انه احنا بدينا دراسة >> احلفي علشان يصدقون هع

اعترف اني احل واجباتي >> خخخخ تمثل انها دافورة ونفسها تعيش الدور هع

اعترف اني نفسي العب في باقي الالعاب كلها بس احس القسم معفوس ولازم ارتبه يااطفال يا اشقياء وخييو خالد كبيرهم الذي علمهم السحر حاطته عريف وبالاخير يعفس معهم هع هع

[خالد التميمي]

ههههههههههههههههههههههههههههههههههههه وشلون معفوس ماشوف فيه شي اعترف انك قاعده تلعبين علينا خخخخخخخخخخخخخخخخخخ

[برمجيات]

لا ما العب بس من زمان عنه انتظروا اتعود >> خير مسوية نفسها مؤدبة خخخ مو كأنة اول يوم في المنتدى عفست الناس هع هع

اعترف اني بفل الحين اشد مافي الغربة انه مافيه فيش كهرباء بجنبي فما راح اطول على النت وهذا شئ يمكن لصالحي MaM(60) بس شخبار المسابقة ؟ هع

[خالد التميمي]

افا ليه ماعندك فيش
المسابقه يمديك تشاركين فيها وفيه سؤال جاوبي عليه عندك الى قبل الساعه 8 وعلى فكرة عندك نقطة عشان تسمية المسابقة بس ناظري القوانين واتبعيها عشان مايخصم عليك نقاط حتى لو كنتي صفر

[أحلى عالم]

هههههههههههههههههههههههه اعترف انه خالد حافظ القوانين عن ظهر غيب

[شبكاتي]

أعترف إن المسابقه فله .....

أعترف إن الكويت فله ......

أعترف إن العوده للمدارس غير فله << صارت زحمه على الطريق ...


أعترف إنكم تخلون الواحد يشتاق لكم كلكم ههههههههههه << من جد سكرتو على المنتدي اللي اشارك فيه ههههه

[حورية الارض]

وانا اعترف انك انت الفله خخخخخخخخخخخخخخ

[شبكاتي]

شكرا شكرا

اعترف اني انتظر المسابقه

[برمجيات]

اعترف اني بعتزل الفن هع >>> المسابقة صاير العقل مقفل MaM(60)

[حورية الارض]

اعترف انه اشتقت لخيوو tears tears tears

اعترف انه زر بالكيبورد طايح ومابعرف اسويه tears

[شبكاتي]

أعترف إن ظهري يعورني من التدرييب اهئ اهئ اهئ

[mRmR]

8
سلآمآت ..

آعرتف اني جووووووعآنهـ ..

[برمجيات]

اعترف اني اشتقت لكم ولهبالكم هع

اعترف اني صار عمري 18 هع هع عما قريب بعجز

اعترف اني الامس ماداومت واليوم بعد :bleh:

اعترف اني مريضة وعندي نزلة برد >> لعبي غيرها التعبانه تنام مو تجلس ع النت MaM(60)

[مكاوي فله]

ابي اعترف ابي اعترف


اعترف انه نفسي الطش وجه خالد خخخخخخ


صراحه والله اني اعترف انه كل اعضاء المنتدى وحشوني

[برمجيات]

اعترف انه النفسية غير اليوم والمود غير بعد اليوم؛؛ فتحت ايميلي وحشتني رسايل اخوي وعبطها ؛؛ شاركت في المنتدى ؛؛ اللي معنا بالغرفة نامت واحنا لسا صاحين هع وكل وحده على لاب توب او جوال هع فالينها ولا كأنه بكرة دوام و لا كأنه انا نفرة غايبة يومين ويبي لي ارتاح علشان بكرة ما انسطل لقلة النوم هع