اي نــــوع مـــــن الاطفــــال كـــنت ؟

[loveu99]

( السلام عليكم ورحمة الله وبركاته ) }}
بما اني جديده بالمعهد حبيت اتعرف عليكوم كلكم من يوم كنتوا صغااار MaM(60)
ويلا كل واحد لا يسذب يقول وش كان صدز



_ اي نــــوع مـــــن الاطفــــال كـــنت ؟!



الطفل البريء .. ..


في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..

ٌٌ ..!


الطفل العنيد .. ..


يطبق نظام البيت بالعكس .. يسوي اللي براسه ..

مايخاف من امه وابوه .. لو قلت له هذا خطر لاتقربه .. عناد فيك يسويه ..

ياكثر مايضرب في طفولته .. ومع ذلك عنيد مايغير رايه ..


ٌٌ ..!

الطفل الحنّـان .. ..

يستخدم وسيلة الحنية لتلبية رغباته

له نغمه خاصه في البيت..

تلبى رغباته غصب عنك .. يعانون اهله من الصداع المستمر ..

ٌٌ ..!

الطفل المادي .. ..

هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

ٌٌ ..!

الطفل الفتّــان .. ..

تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية ..

في الجريدة الرسمية ..


ٌٌ ..!

الطفل الدلوع .. ..

هذا دلوع امه وابوه .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..

ٌٌ ..!

الطفل العله .. ..

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..

ٌٌ ..!

الطفل الداج .. ..

هذا الطفل مستحيل يجلس في البيت..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..

ٌٌ ..!

الطفل الملسون .. ..

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..


ٌٌ ..!

الطفل اللزقه .. ..

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

ياكثر ماينضرب .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يلاقونه بانتظارهم في السيارة ..

ويسألهم ليش تأخرتوا عليّ ..


ٌٌ ..!

الطفل الهادي .. ..

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

ٌٌ ..!

الطفل القوي .. ..

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..((مفلوق ))

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..


ٌٌ ..!



7


7


7


7


7
والحين ..

من اي نوع كنتــــوا ........طلعوا فضايحكم..وبصراحــــــــة ..؟
...

واذا كان في نوع ثاني مو مذكور عااااااااادي قولوه
انا كنت الطفل الدلوع+الداااجMaM(60)

اما الطفل اللزقه موتني من الزحك نفس اخوي الصغير MaM(60)

اتمنى ينال اعجابكم الموضوع

[أحلى عالم]

الحمدلله اني مو بالمعهد يعني مايحتاج تعرفوني

واصلا نوعي موب موجود

يعطيك العافية ع الموضوع

ومبروك القبول :)




~ تحيـــتي ~

[loveu99]

تعالي تعالي تعالي مسويه نحشتي هاه
حتى لو موب بالمعهد ولاهوب موجود نوعك عااتي شاركينااا وقوليلنا نووعك

واشوف ناس دخلو تسثييير ولا ردو ياويلهم مني بس لو اعرف هم ميين هههههه

يبارك فيك وشكرا خيتو عالمرور القميل

[أحلى عالم]

اوكي ان شاء الله اذا قدرت اوصف واقولب واحدد نوعي قلتلكم عليه MaM(60)

[new graduated]

انا بالنسبة لي طفولتي كانت

50% البريء
40% الهاديء
10% عله


هالموضوع بتتناقله المنتديات على مر العصور وبيحاتجون نضيف لهم

----

الطفل الالكتروني

يعيش ثلاث ايام بدون ماياكل ولا يشرب و لايستخدم دورة المياة بشرط وجود قيم بوي او بي اس بي


يسلمووو على المووضوع loveu99

احلى يمكن يكون لمتد ادشن

[أحلى عالم]

ههههههههههههههههههههه شكلي

[عبدالكريم البشري]

أولا/ أحب أشيد إشادة ضخمة بإضافة [الطفل الالكتروني] من الأخ متخرج جديد >>> ماخذها من ترجمة قوقل الأخ؟؟

ثانيا / إذا تمعنت في شخصيتي أتوه حقيقة أجد جميع الأنواع مريت عليها ,,, مخضرم يعني >>> فيلسوف وثقييييل دم@@@

ولكن أجد نفسي وبشكل واجد في النوع الي أضافه الأخ متخرج جديد>>> رجعنا لترجمة قوقل؟؟

يعني أول ما اشترينا سيقا >>>قديييييم

ما عاد طلعت من الغرفة وطلعت في الأخبار كمفقود في ظروف غامظة

شكرا عالموضوع الي نبش أشياء نبي نطمرها لكن الفضفضة شي جميل برضو,,,, تحياتي

[loveu99]

نيو قراديويت ههههه شكرا عالاضافه فعلا الطفل الالكتروني ذا منتشر خصوصا هالحين
اما على وقتي انا صح كنت العب سيقا وبلايستيشن بس ماكنت طفله الكلترونيه وااازد
اميل للدجه اكثرMaM(60)
وهلااا خيو عبد الكريم البشري شكراااااا عالمشاااركه

[ح ـسين]

الطفل المادي .. ..

هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..

ٌٌ ..!


هذآ كآن نوعي آيآم الطفوله مع قليل من الدجه :)


*


وحلوه الطفل آلآلكتروني ههههههههههههههههههههآي


يعطيكِ العآفيه آختي loveu99

[loveu99]

وي وي مادي اخص عليك<<<ماكنها كانت كذا وقت اللزوم هههه

شوكران خيو حسييين

[مدير مستشفى]

الهادي

حلووووووووووووووة

[الــخــبــلــهــ]

مومكن البرئ ..



تشكرآآآت خيتو ..



تقبلي مرور خشتي ..

[loveu99]

مدير مستشفى

الخبله


شووكرن عالمرور القميل

[بآقي شهرين]

أنا صرآحه مكس من الطفل العنيد والعله والحنّان عند اللزوم طبعا<< ماشاءالله علي أحلى الصفات خخخخ
مشكورهـ أختي
أختك /بآقي شهرين

[loveu99]

حلووو المكس تبعك خيتوووو مشكوووره عالمشاركه

[خالد التميمي]

انا كنت الطفل الهادي وشوي حنان بس يوم كبرت انهبلت مادري وش جاني صرت افهي واجد اعيش في عالمي الخاص اكثر من العالم الحقيقي وعشان كذا يسموني المفهي كنت اعشق العاب الكمبيوتر ومسنتر اربع وعشرين ساعه في البيت الله على ايام زمان يسلمووو لوف يو

[loveu99]

ههههههههه حلو الهاادي توقعت كلكم تطلعون مثلي الدااااج بس اضاهر محد كان داااج يوم انه صغير الا انا
احلااااا شي الفهاااااوه تريح بالك من امووور كثييير اجل انت صقيقي ههههههه