[][][]... حفل تخريج طلاب معهد الغبارة العامة ...[][][]

[سمو الأمـــير]

بسم الله الرحمن الرحيم ...

من اسم الموضوع عرفتم المحتوى ... مو مو مو ...

أقولكم وش صـآر ...

أولا أقول للي ما حضروآ الحفل "ياحظكم" ... حفل من جنبهـآ ... وبيني وينكم ... الشرهه على اللي
سماه حفل ...

<[ حاقد وبقوهـ ...

الساعه 8.30, يعني بعد صلاة العشاء مباشرهـ ...
كالعادة نسيت أكوي ثوبي .. رحت لآقرب مغسلة والله وأذب الشماغ والعقال .. اعني الشماغ والثوب في وجه البنغالي حق المغسلة( صديق كوي مستعجل مرة مرة) ... البنقالي ما قصر ترك شغل الباقين وراح يكوي فيهم ... والله وأنا اروح أتفرفر برى"ملاحظة: بالفنيلة والسروال" <[ سلامات يبووو ...

ماعلينا ... المهم والله وأنا أمر من جنب موتري الا وأتذكر البشت .. وأنقز وأطلعه من "صندوق السياهـ",(طلع خروف ما طلع بشت) ... المهم ... وأنا اضعه برفق بين يدي البنقالي ... (حبيبي ممكن كوي بشت مستعجيل شويه) ...الهندي قال (صديق 5 ريال لازم ) ... قلت له 5 ريال 6 ريال اللي تبي .. الموهم اخلص علينا ...

والله وأترزز واكشخ ... ووأوجه الخشه يم المعهد الموقر ...
أول ما جيت عند البوابه ...
شرطي القوات الأمن الخاصة المدجج بالاسلحة والمتفجرات: وين يبووو ...
الطالب: متخرج وأبي أخش ...
الشرطي: لا لا وانا وش دراني أنك متخرج ...
الطالب وهو يرفرف بالبشت: هذا بشت التخرج ...
الشرطي: تفضل ...
نزلت للمواقف ... والله وادز يم قاعة ابن خلدون ...

الطالب المتخرج: السلام عليكم ...
9 من قوات الأمن الخاصة أيضا المدججين بالاسلحة: وعليكم السلام وين رايح ...
الطالب المتخرج: أنا متخرج وأبي احضر الحفل ...
الـ9: مافيه مكان ...

والله وأنتظ شوي الا وأخوياي جايين .. والله واسلم عليهم ومبروكـ مشاء الله ومن هالكلام ...
وشوي الا جاك 8 من المدعوين للحفل ومعهم كروت الدعوهـ ...
الـ9: ... تفضلوآ من هنا الدخول ...

والله وأنا افور من القهر ...
وأنا أجيهم ...
الطالب المتخرج: مافيه مكان هـآهـ ...
الـ12: معليش مافيه مكان ...

غسلت ايدي من الحفل ... شوي الا وهم طالعين ... والله ويجينا عسكري طويب .. قال ابعدوآ ترونهم بيرسلون لكم الحين ويطلعونكم برى المعهد ...

والله وحنا نبعد عن المدخل ... الا الآمير جاي ومعه الحشود والوفود ... وشوي دخلوآ جناح التوظيف ...
وقلنا ما فيها كلام وراهـ ... اربنا(ليتنا) نلقى فيه وظايف والا حاجه ...

المهم أول ما وصلنا لمدخل الجناح ... الا واللي يجرني من البشت وانا اتملص من البشت وأدز الا قضني بيدي ..
الرائد: معليش ممنوع الدخول .. خلاص عد ما يطلعون ادخل ...
الطالب المتخرج: بس أنا متخرج ...
الرآئد: هذا النجاح لكم والتخرج لكم بس أنتظر شوي ...

أنتظرنا شوي أنا ويا أخوياي ...

يوم مشى الحرس ومعداتهم ... دخلنا الا مافيه ابن امه نفر ... ورقان طايحه وماصتين مكتوب عليها بنك الراجحي والاتصالات السعودية ...

في النهاية عرفنا أننا تخرجنا وأن الحفل أنتهى وطبقنا بشوتنا ورجعنا لبيوت أمهاتنا ...

*ملاحظة: - بدأ الحفل الساعة 8.30 وأنتهى الساعة 10 ..."يستاهل ينكتب في موسوعة جينيس".
- تدرون وش أسم الحفل " حفل تخريج الطلاب المتوقع تخرجهم ...".

وفي النهاية كل عام وأنتم بخير ... وجزآكـ الله خير يا معهد على هالسنتين ونص اللي صبرت علينا
فيها وصبرنا عليكـ ... وأستروآ مـآ وجهتم ...


دمتم سالمين...
* سمو الأمـــير *

[MsT5F]

بصراحة يحق لك تحقد

سمعت الكثير والكثيييير عن " حفل الطلاب المتوقع تخرجهم "

و بالنهاية حسبنا الله ونعم الوكيل ’’

على كثر ما المعهد متقدم بأشياء و ينافس الجامعات والمعاهد

على قد ما يخربها بأخر نقطة " فرحة الطلاب المتخرجين " وليس المتوقع تخرجهم !!

الحمد لله على كل حاااال والله يعيننا على هالموقف " الكل بيشيل همة "

[ولو]

والله كل شي ممتاز ومن افضل ما يكون

انا من الخريجين مش من المتوقع تخرجهم وحفلنا كان معكم بنفس الوقت

وحضرت الحفل بالعكس كنت متوقع يكون عادي جداً واستمتعت فيه اكثر مما كنت أتوقع

حضرت الحفل وكانت مراسم الحفل طبيعية وهذي تحدث في اي مكان في اي جامعة في العالم لاتتوقع انهم بيوزعون شيكات او يجيبون نانسي عجرم تغني !!

بعد الحفل خرجنا وكل مجموعة مع بعض وتصوير وضحك وسعة صدر ورحنا المعرض وكان ممتاز وفوق المتوقع وما اعرف انت ايش تبغي من المعرض

كان تصميمه رائع جداً جداً وديكورات ممتازة والتقديم فيه سهل والموظف يبين لك المطلوب

اخي الكريم اذا كنت جيت بوقت والقاعة كانت مليانة وتنكدت هذا بسببك انت مش بسبب تنظيم الحفل

[Amal Maqtool]

حفلنا حنا يا البنات يوم الخميس الجاي :d ...
عسى ما يصير مثل حفلكم بس .. ابيه احلى :p ...
بالتوفيق للجميع :d

[محمد الغامدي]

ههههههههههههههههههههههه
الله يرجك بس اول شي الف مبروووك التخرج وثانيا انت الغلطان من المفروض وانت من المغرب هناك على الاقل لانه يسير اكثر من كذا في هالمواقف وبعدين الشي الثالث الغلطة من المعهد من المفروض انه يكون هناك منسق بين الطلاب يعلمهم كل شي وش اللي بيسير ووين ومتى وكيف عشان الواحد ياخذ احتياطاته لكن وسع صدرك فلها خلاص تخرج من المعهد والله يعيننا على الترمين الجاية

[خالد صديق]

هم ماكتبو حفل الطلاب المتوقع تخرجهم الا وهم دارين بالصعوووبة اللي هم مسوينها

[سمو الأمـــير]

يـآ هلآ والله ومسسسهلآ ...

مشششكورين حبايبي على المرور ...
آخوي مستخــف <[ والله وأنا شايل همــي ...
ولــو <[ والله مدري عنكـ ... أولآ قل لي تصورت معهم والا لآ ... ثانيا قل لي وش لقيت في جناح التوظيف ... وش طلعت به منه ... وثالثا وش دخل أهل الديكور ... ورابعـآ آجي متى... أصلا أحلف أن كل اللي جو بدري للحفل ما صلوآ العشاء .. لأن صلاة العشاء خلصت الساعه 8.33 بالظبط ...
أمل مقتـول <[ آيه هين ... أنتظروآ آني معكم من المنتظرين ...
حمودي الريـآض<[ أولا الله يباركـ فيكـ يا عزيزي, وثانيا من ناحية المعهد غلطان فهو غلطان ومليون مرهـ .. أصلا حتى ما قالوا لنا أنه فيه حفل ولا دقوآ علينا وقالوا لنا روحوآ استلموآ البشوت ... لكن إذا تأخر واحد عن ارسال تقريرهـ يوم واحد نشبوآ في حلقه ...
د.كيف<[ تلومنـــي فيهم ...

[ولو]

يا اخي لا تكون من الفئة اللي تعشق النقد بدون علم

يا أخي معرض التوظيف كل بنك وشركة وضعت مندوب لها تروح له وتطلب منه ابلكيشن توظيف وهو يعطيك المعلومات حول موعد المقابلة

هذا المعرض اختصار لك وعشان راحتك بدل ما تروح تفرفر للبنوك كل بنك في جهة تقدم من مكان واحد على جميع البنوك والشركات وفي يوم واحد

ايش تبغى اكثر من كذا تبيهم يصرفون لك شيك عشان ترضى عليهم

وكثير من الزملا اتصلو فيهم وحددو موعد للمقابلة واجتازوها وبعض منهم على رأس العمل الآن

سبحااان الله فيه ناس ماتدري وين ربي حاطها بس تحب تتكلم

[سفنطح]

هههههههههههههههههه

ياحبيلكم بس ...

طيب انتم زعلين على حفل مهوب ذاك الزود ..

طيب وش نقول حنا اللي دفعتنا أول دفعة بالبرنامج .. يعني الدورة (1) وتخرجنا وكل شي وللاسف بنصف السنه .. لا حفل ولا هم يحزنون .. وبحفل التخرج هذا .. ما استدعوا الا الأول على دفعتنا وكان ناوي يسحب عليهم بعد هههههههههههههههههههههه..

لكن يالله اللي صار صار والحمد لله على كل حال ...

[سمو الأمـــير]

سفنطح <[ تستـآهل محححـد قـآلكـ ادرس بالمعهـد وآنت من آيـآم 1300 ومدري كم ... وبعدين توسط لنا حنـآ آخويـآكـ .. دور لنـآ وظـآيف .. شكلكـ الحين مدير تنفيذي أو حـآجة زي كدهـ ...

ولو<[ تعـآل تعـآل .. آقول آنت حـآقد علي .. وآلآ مرسلينكـ المعهد هنا علشـآن تشوف الوضع وتدافع عن المعهد ... والا وش سـآلفتكـ .. وبعدين هذا انت قلتهـآ ... بنوكـ ... طيب المعهد ترى تخرج منه 20 تخصص او اكثر ... موب بس بنوكـ ... يعني وين الوظايف للتخصصات الباقيه ... هآهـ ... هـآهـ ... هـآهـ ...

رح ارجع للي ارسلكـ علينـآ وقلــه ... سمو الآمـــير يقووول أمحق معهـد ...



ودمتم سآلمين ...

[ولو]

ما اقدر اقول لك الا شيء واحد حسافة انك خريج من معهد الأدارة

علي رضي الله عنه يقول (ماخاطبت جاهلا ً إلا وقد غلبني وماخاطبت حكيما ً إلا وقد غلبته)

[سفنطح]

عدناااااااااا....

على فكره ...
انا كلامي عن الحفل فقط ...

لكن انا حضرت معرض الخريج والوظيفه حق السنة الماضية وكان والله أدب ... مافيه شركة مو فيه ... كل العالم موجوده لكن هالسنة مدري والله ...

بعدين ولووو انت وسمو الامير ورا ماتهدون اللعب شوي ؟؟
تعوذوا من الشيطان ...

[أحلى عالم]

خلاص يا اخوان،، وش دعوه قلبتوها مهاوشة مالها داعي؟؟
كل المسألة وجهات نظر..
وغلطة من المعهد انه ما نوّر الخريجين وش يسوون ومتى يجون وهذي المسائل كلها..
ويمكن كمان غلط في تنظيم الحفل انتم أدرى فيه..



~ تحيـــاتي ~

[Blue Shadow]

خلاص ولا تزعل يا سمو الأمير احنا اهل المنتدى نسوي لك حفل تخرج في احسن الأستراحات ومالك اللا الي يرضيك والف والف مبرووووووووووووووووووووووووك على التخرج

ولو تبي رأيي انا ودي اتخرج وامشي ولاهمي لا حفل ولا غيره (وجهه نظر)

وكل واحد يصلح سيارته

[سمو الأمـــير]

عدننننننننننننننننـآ والعود آحمد <[ أحمد والا صالح ...

المهم ... مشكو انت ويـآهـ وويآهـآ على الردود الحلوهـ واللي مش بطاله ...<[ حط خط تحت وياهـ ...

ولو <[ وش معنى مالقيت كلام أو حكمة الا من كلام علي رضي الله عنه ...<[ يعني أشكـ في سنيتكـ ..
وبعدين ... مسوي غلبتنـي ... خلاص يبو .. غلبتني .. خلاص .. مبروكـ يا كابتن ماجد ...

وأعذرني لن أرد عليكـ أكثر مما رددت ...

ودمتم سالمين ... إلا ولو ... <[ أبوكـ يا النذاله ...